قصة مؤلمة - نسخة قابلة للطباعة +- الدعم العربي (https://www.mybbarab.com) +-- قسم : :: . + التسلية والترفيه والمواضيع العامة والجادة + . :: (https://www.mybbarab.com/forum-23.html) +--- قسم : منتدى الشعر والنثر والروايات والقصص (https://www.mybbarab.com/forum-109.html) +---- قسم : القصص والروايات والكتب (https://www.mybbarab.com/forum-57.html) +---- الموضوع : قصة مؤلمة (/thread-15299.html)

قصة مؤلمة - تبارك رحمة الله - 2012-10-17 رسالة فتاة سورية ﻻبيها ... بابا اليوم جابوا جثة علي بيتنا ... يعني واحد ميت .. هو صحيح بيشبهك وﻻبس نفس تيابك .. بس ... غرقان بالدم .. مو معقول شو بيشبهك يا بابا .. ما بتصدق .. ... ...... ... بس أنت أحلى منو بكتييييير .. ... أصﻼً هو مو مبينة مﻼمح وجهه منيح .. بس أنا متأكدة إنو مو أنت .. مستحيل تكون أنت أنا ... أنا ما بكيت .. ضليت أتطلع فيهون وقلهم إنتو غلطانيين .. إنتو أكيد مخربطين إجوا الكل قرايبنن ... ا والجيران .. كان الكل عم يبكي وأنا قلهم وأنا عم اضحك : لك شبكم هادا مو بابا !!!! صاروا يقرأوا علي , ويضموني ويبكوا . بابا طيب بدي اسألك سؤال وبس لترجع بتجاوبني عليه .. هﻸ اللي بيموت معقول يتغير شكله هيك ويصير مو حلو قبل ما يروح لعند الله ويفوت عالجنة ؟؟؟ أكيد ﻷ .... مﻼحظة : آنستي شافت هي الرسالة كنت لسه ماشقيتها من الدفتر ضمتني وغرقتني بالدموع ... بابا بصراحة خايفة كتير تكون أنت ... بس انت حباب وبعمرك ما أذيت حدا أو تخانقت مع حدا حتى يأذيك بقى كيف لحتى يقتلك ويعمل فيك هيك ... ما بصدّق ... والله رح نصير أنا و أخي عاقلين منشان ما تضوج وتعصّب وتزعل منا ... وخلص عنجد وقت تجي تنام بعد الغدا ما حنطالع صوت أبداً ... رح ننام معك ... بابا عم أستناك ... كلنا عم نستناك ... هﻸ أنت وﻻ يهمك إذا بدك تأخر شوي بس ﻻزم تجي باﻵخر ... إذا مو منشاني منشان ماما وأخي مشتاقينلك كتير كتير ... وبتعرف شو كمان .... منشان مايقولوا عني كذابة .... باي بابا .... بنتك المشتاقة كتير كتير ... ﻻ تطوّل ... بحبك يارب فرجك ورحمتك بأهل سوريا يا أرحم اﻷرحمين . RE: قصة مؤلمة - مهرة الفارس المصري - 2012-10-20 مشكورة وبارك الله فيكي وتسلم الايادي RE: قصة مؤلمة - حنين الاشواق - 2014-05-13 يسلمووووووو على الطرح الرائع في انتظار جديدك تقبل مروري RE: قصة مؤلمة - عيون الصراحه - 2021-10-14 قصة مؤلمة جدا سلمت يداك ننتظر قصصك المفيدة RE: قصة مؤلمة - رزان - 2022-12-06 قصة ممتازة جدا