الاسئله كتير و اغلبهم مالوش عندى اجابه

انا حجاوب بس على اللى عندى اجابه ليه

اولا اسئله طارق

سبب الامتناع عن ذكر الاسم؟
لانى بنت و عموما روعه اسمى برضو انا مش بستخدم اسمى الحقيقى فى البيت حتى

أين نجد أسرارك ؟
جوه قلبى

ما رأيك بمنتدنا بصراحه ؟
انا بحب المنتدى و بتفائل بيه جدا و بتمنى ليه التقدم و اعضاءه فى منتهى الاحترام

هوايتك المفضلة؟
الرسم و تصميم المواقع و الابحار فى عالم الانترنت

بتحبى تتفرجي على الكرتون؟
طبعا بموت فى افلام الكارتون و من قنواتى المفضله ديزنى و ام بى سى 3 و سبيس تون

ايه الى خلاكى تسيبي كلية الهندسة؟
المكان هو السبب الرئيسى لانى كنت هندسه اسيوط تعبت طبعا سنه و مقدرتش اكمل التانيه بس انا معايا شهاده معهد فنى قسم معمارى

بتتعصبي كتير ؟
فعلا و طبعا اسئلتك يا طروقه معصبانى خاااااااااااااالص انا بقولك من دلوقت مش عايزاك تسئل لمده 3 ايام او كفايه عليك كده هههههههههههههههههه

من هو مثلك الاعلى ؟
الرسول عليه افضل الصلاه و اتم التسليم

هل تحبي الموضة ؟ ومتابعة كل جديد فيها ؟
بصراحه مش اوى انا بلبس اللى يليق عليا و لانى محجبه فا لبسى مش متبع الموضه اوى بس مايمنعش انه شيك

رتبى الكلمات دى بالنسبه للأهميه وقولى جمله قدام كل حاجه بالنسبالك

البيت و الاصدقاء و نفسى بصراحه مش عامله ترتيب لاهميتهم عندى يعنى انا بدى لكل حاجه فيهم حقها على اد ما اقدر

ايه بقى الدى فى دى ده يا طروقه هههههههههههههه

اختارى خمس اعضاء وقول لكل واحد فيهم جمله ؟

1- الاخ " بيبو " : انا بحترمك جداا و بحب حبك لمساعده الغير
2-الاخت " ايمان البديوى ": انتى ممتازه فى التصميم و انا بحبك فى الله
3- الاخ " طارق ذهدى ": ابعد عنى يا ابنى
نكتفى بهذا القدر لانى مش شايفه قدامى من كتر الاسئله

نصيحة!!!؟؟
النصيحه موجهه ليك يا طروقه " ارحمو من فى الارض يرحمكم من فى السماء "