الدعم العربي
نبذة عن تحويل الاستايلات من Vb الى MyBB - نسخة قابلة للطباعة

+- الدعم العربي (https://www.mybbarab.com)
+-- قسم : :: . + الأقسام الإدارية + . :: (https://www.mybbarab.com/forum-36.html)
+--- قسم : الأرشـيـف (https://www.mybbarab.com/forum-39.html)
+---- قسم : تطوير منتديات MyBB 1.2 (https://www.mybbarab.com/forum-86.html)
+----- قسم : استايلات و قوالب منتديات ماى بى بى mybb (https://www.mybbarab.com/forum-4.html)
+----- الموضوع : نبذة عن تحويل الاستايلات من Vb الى MyBB (/thread-3394.html)

الصفحات: 1 2 3

نبذة عن تحويل الاستايلات من Vb الى MyBB - Toscana - 2008-05-02

السلام عليكم ورحمه الله وبركاته
انا بعمل الموضوع دة مخصوص عشان فى طلبات كتير اوى بتفيد ان معظم الناس عايزين يعرفوا طريقه تحويل الاستايل
وردنا كان واحد عليهم فحبيت اعمل الموضوع المختصر دة عشان الناس تحاول تفهم الطريقه واللى عندة اى فكرة جديدة يحطها ونفيد بعض
حاجة كمان انا عارف ان الموضوع دة هيثير تساؤلات كتيرة اوى Smack
اولا ستحتاج الى عدة اشياء للتجربه قبل ان تضع الاستايل للاعضاء او للمنتدى
اولا برنامج الاباتشى او خادم الجمل وهو منتشر بشدة على الانترنت ويمكنك ان تجدة عن طريق بحثك عن الجوجل
ثانيا : برنامج Microsoft Front Page للتعديل على القوالب
ثالثا : الاستايل الذى تريد تحويله من Vb الى MyBB

===============================
ويمكنكم تحميل خادم الجمل من هنا
--------------------------------------------------------------------
الهيدر والفوتر ( رأس وتذييل المنتدى)
اولا نقوم بتحميل نسخه من نوع منتديات Vb لاننا سنحتاجها كثيرا
ونقوم بتنصيبها على خادم الجمل وطبعا الموضوع دة اعتقد انه سهل ومن يجد اى صعوبة فيه يخبرنى
كذلك نقوم بتحميل نسخه MyBB ونقوم بتنصيبها على الخادم المحلى
ثانيا نقوم باخذ ملف xml باستايل محول وهذا سهل جدا وليكن ستايل ABsend الموجود فى الدعم العربى
نبدا برفع الاستايل الــ Vb عن طريق الادمن
وكذلك ABsend عن طريق الادمن
نتبع الصور
اولا ندخل على قالب الهيدر عن طريق ادمن Vb عن طريق تبويبه البحث فى القوالب ونكتب header وندخل عليه
[صورة: convert1.jpg]
سنجد كود نقوم بالتظليل عليه كاملا كما بالصورة
[صورة: header1.jpg]
بعد كدة نفتح برنامج الفرنت بيج
ونضع كود الهيدر بداخله ولا نجعل موجود بالكود الا الصور فقط وليس اى هاك خاص بمنتدبات Vb
[صورة: header3.jpg]
- نرفع ستايل MyBB الذى سيتم التحويل عليه
وندخل على قالب الهيدر ونقوم بنسخه
وبعد وضعه فى برنامج الفرونت بيج ومسح الكود الافتراضى الموجود فى الفرونت بيج نضع الكود الخاص بهيدر MyBB وسيظهر لنا بهذا الشكل
[صورة: header2.jpg]
[صورة: header4.jpg]
نضع الكود الخاص بــ MyBB فى اخر كود الهيدر
ملحوظة:ليست جميع الاستايلات سهله التحويل قد يكون هناك اكواد خاصه بـ Vb تسبب فى مشكله فى المنتدى
لذا يجب الحذر والدقه
- بعد وضع الكود فى اخر الهيدر سيظهر داخل الفرونت بيج بهذا الشكل
[صورة: header5.jpg]
وبعد حفظ التمبليت ندخل على المنتدى سنرى ان التطبيق اصبح ظاهرا بشكل واضح كما بالصورة
[صورة: header.jpg]
=====================
ناتى الان الى الفوتر
الفوتر ابسط مايكون واقل دقه من الهيدر
كما فعلنا من قبل سندخل على الفوتر Footer الخاص بــ MyBB الفوتر الخاص بــ Vb
بعد وضعه فى برنامج الفرونت بيج سيظهر بهذا الشكل
[صورة: footer1.jpg]
يتم حذفه كما راينا بالصورة حتى يظهر بهذا الشكل
[صورة: footer2.jpg]
* دائما فى الفوتر سنجد هذا الكود وهو مايسبب دائما مشكله فى المنتدى لذلك يتوجب علينا حذفه
كما نرى بالصورة
[صورة: footer3.jpg]
بعد حذف هذا الكود سنضع الكود الخاص بـ MyBB مكانه كما بالصورة
[صورة: footer4.jpg]
وبعد حفظ التمبليت ندخل على المنتدى سنرى ان التطبيق اصبح ظاهرا بشكل واضح كما بالصورة
[صورة: footer.jpg]
ملحوظة: يتم وضع الفوتر الخاص بــ MyBB أعلى كودالفوتر الخاص ب Vb داخل الفرونت بيج
==================
وبكدة يبقى انتهينا من تحويل الهيدر والفوتر وتهيئه الاستايل ليعمل على
MyBB
====================
الوان المنتدى والخلفيه (css)

اولا نقوم بالدخول على لوحة تحكم الادمن الخاصه بــ MyBB وهى تكون على هذا الشكل
www.yoursite.com/bb/admin
ندخل على تبويبه الثيمات والقوالب
[صورة: theme1.jpg]
نختار الثيم ( الاستايل اللى رفعناه قبل كدة اللى هنغير عليه التحويل
[صورة: theme2.jpg]
نبدا الشغل بقى :D
علشان نغير اسم الاستايل عشان نبقى عارفيه ومش نتلغبط
[صورة: theme3.jpg]
لتحديد مسار ملف الصور ولوجو المنتدى عشان الصور كلها تظهر صح فى الاستايل المتحول
[صورة: theme4.jpg]
بالنسبه لمسار مجلد الصور مش هنكتب رابط الموقع ومجلد الصور
هنتب على طول /images/your theme
لان المنتدى بيتعامل على السيرفر مباشرة بدون رابط المنتدى
دى كانت المقدمة :D
نبدا بقى الشغل التقيل وركز معايا شوية
1- خلفيه المنتدى او ال Body
اتبع الصورة
[صورة: theme5.jpg]
طبعا هقولكم على فكرة حلوة عشان يبقى الاستايل نسخه تانيه من الاستايل الاساسى
لو لاحظنا ان معظم الاسماء اللى فى css الخاص بــ Vb هنلاقيه قريب
يعنى لون الخلفيه Page Background هى نفسها اللى فى Vb و MyBB
هناخد الــ
Backgroun = الخلفيه
Font Color = لون الخط
Font Family = نوع الخط الافتراضى
Font Size = حجم الخط
Font Style = شكل الخط ( تقيل / خفيف/ مائل ) وهكذا
هناخدهم بقى من css بتاعت ال vb وننقلها فى css الخاصه ب MyBB
بالمختصر المفيد
هكتب كل اللى هتاخدهم Copy و تحطهم Paste فى mybb من Vb
Body ودى يقابلها (خلفية المنتدى/Body ) فى الفى بى
Table Headers يقابلها رأس الجدول/Table Header
Table Sub Headers (Category Backgrounds) يقابلها (الأقسام الرئيسية/Category Strips)
Alternating Table Row 1 يقابلها (لون التوزيع الأول/First Alternating Color)
Alternating Table Row 2 يقابلها (لون التوزيع الثاني/Second Alternating Color)
Table Footers يقابلها (نهاية الجدول/Table Footer)
الموضوع سهل جدا كل اللى عليك هتعمله انك هتفتح ال css بتاع الاستايل Vb وتنقل منه الاكواد الى css الخاص ب MyBB
====================
بعد كدة هتعدل على الصور اللى بتبقى موجودة داخل الملف الخاص بالصور الموجود مع الاستايل
والسلام عليكم

Re: نبذة عن تحويل الاستايلات من Vb الى MyBB - عوض محمد - 2008-05-02

والله انك جميل جدا يا مبدع اسامة

ايوة علشان الى عاوز يحول ما يلخمناش

تحول vb الى MyBB

الموضوع دا هيحل بعض المشاكل

ومشكور جدا على الموضوع الجامد اخ توسكانا ( اسامة ) جزاك الله خيرا اخى

Re: نبذة عن تحويل الاستايلات من Vb الى MyBB - Kil1er - 2008-05-02

وااااااااو

شرح ولا اروع من عضو مميز

والله شرح متعوب عليه ومفصل كمان

الله يجزيك خير

RE: نبذة عن تحويل الاستايلات من Vb الى MyBB - Toscana - 2008-05-02

عوض محمد كتب :والله انك جميل جدا يا مبدع اسامة

ايوة علشان الى عاوز يحول ما يلخمناش

تحول vb الى MyBB

الموضوع دا هيحل بعض المشاكل

ومشكور جدا على الموضوع الجامد اخ توسكانا ( اسامة ) جزاك الله خيرا اخى

والله انت الاجمل حبيب قلبى عوض ومتشكر اوى على ردك الجميل دة وفعلا انت من الناس اللى بعتز بيه فى المنتدى والله

RE: نبذة عن تحويل الاستايلات من Vb الى MyBB - Toscana - 2008-05-02

Kil1er كتب :وااااااااو

شرح ولا اروع من عضو مميز

والله شرح متعوب عليه ومفصل كمان

الله يجزيك خير

شرفنى مرورك اخى Kil1er وردك المشجع
وانا والله قبل ما اضع الموضوع كنت متردد اوى اضعه ولا لاء كنت حاسس ان الموضوع فيه نقص او مش هيتفهم لكن الحمد لله كلامك اثبت لى انه على الاقل ممكن حد يستفيد منه
والسلام عليكم

Re: نبذة عن تحويل الاستايلات من Vb الى MyBB - Pepo - 2008-05-02

تسلم الأيادى اخى توسكانا
لكن كما تعلم وكما اشرت انت فى موضوعك وكما قولت انا عشرات المرات
هذا الأمر لا يمكن تغطيته مهما وضعنا شروحات له..
لأنه يعتمد فى الأول والأخر على الإصرار والقراءة كثيرا والمحاولة وعدم اليأس..
واتمنى ان يكون موضوعك لبى طلب الكثيرين من اخواننا..

ولك كل شكرى واحترامى وتقديرى..

RE: نبذة عن تحويل الاستايلات من Vb الى MyBB - Toscana - 2008-05-02

Pepo كتب :تسلم الأيادى اخى توسكانا
لكن كما تعلم وكما اشرت انت فى موضوعك وكما قولت انا عشرات المرات
هذا الأمر لا يمكن تغطيته مهما وضعنا شروحات له..
لأنه يعتمد فى الأول والأخر على الإصرار والقراءة كثيرا والمحاولة وعدم اليأس..
واتمنى ان يكون موضوعك لبى طلب الكثيرين من اخواننا..

ولك كل شكرى واحترامى وتقديرى..

شرفنى ردك على الموضوع اخى الكبير Pepo واتمنى ان يستفيد منه الكثيرين
واتمنى ايضا ان يكون قد نال اعجابك
والسلام عليكم

Re: نبذة عن تحويل الاستايلات من Vb الى MyBB - عمدة ايجى - 2008-05-02

شرحك جمسل اخى ولو امكن توضيح اول نقطة اللى هى تسطيب النسجة الفى بى على خادم الجمل او ماى بى بى عالى الخادم المحلى تحتاج شرح

Re: نبذة عن تحويل الاستايلات من Vb الى MyBB - Toscana - 2008-05-02

الموضوع موجود بالفعل فى المنتدى اخى الكريم
فى مشاركة اخينا الغالى يونس البار
شرح شامل لتركيب منتدى Mybb على سرفر محلي

Re: نبذة عن تحويل الاستايلات من Vb الى MyBB - عمدة ايجى - 2008-05-02

تمام اخى مشكور ربنا يسهل احاول وانشاء الله هتعلم
شكر اخى