شي يخصك باقي عندي .. - نسخة قابلة للطباعة +- الدعم العربي (https://www.mybbarab.com) +-- قسم : :: . + التسلية والترفيه والمواضيع العامة والجادة + . :: (https://www.mybbarab.com/forum-23.html) +--- قسم : منتدى الشعر والنثر والروايات والقصص (https://www.mybbarab.com/forum-109.html) +---- قسم : منتدى الشعر والخواطر (https://www.mybbarab.com/forum-26.html) +---- الموضوع : شي يخصك باقي عندي .. (/thread-4154.html)

شي يخصك باقي عندي .. - zooom - 2008-07-10 شي يخصك باقي عندي .. " قلب " من غيرك وحيد ! ما يبي يبقى معاي ! يا أجيلك / أو يجيلك ! يسألوني الناس عنِّك ! وليه ما أكتب [ قصيد ] ؟! قول .. لا تسكت .. تكلَّم .. وش أجاوبهم دخيلك ؟! إختلفنا وماعرفنا شنهو الراي السديد .. يا تضحِّي في عنادك ..! أو أضحِّي في سبيلك ! ليه كل عيد إنتْفارق ؟! صرت أكرَه كل عيد ! وإنتْ فارق .. في [ غلاتك ] .. وقلبي ما عنده مثيلك ! المشاعر من غيابك يا دفا إحساسي , جليد ! طحت من عيني لـ قلبي وما قدرت إنِّي أشيلك ! يشهد الله .. من رحلت وفي حياتي ، لا جديد .. وكل ما ألمَح سرابك .. أرتِبِك ، الله وكيلك ! حالتي صعبه / بدونك .. وكيف حالك يا بعيد ؟ أشتكي منِّك إليك .. ومن جروحي , أشتكيلك ! والله ما قصرَّت فيني بس .. ودِّي لو تزيد ! يعني " إذبحني " وكمِّل يا بعد قلبي / جميلك ! أدري غلطاتي كثيره .. وفوق كل هذا عنيد وش تسوِّي هذا حظِّك رغم زلاتي [ خليلك ] ..! أقتلك .. لا من خطيت ويا عسى عمرك مديد ! و أعذرك .. لو كنت قاتل لأنه يستاهل قتيلك .! ويلي منِّك لو نسيتك والزعل طبعاً " شديد " .. ولو أحس لحظه بـ أنِّك منشغل عنِّي ؟! يا ويلك ..! كل عاذل جاك بَعْدِي .. وقالـ لك إنِّي : سعيد - ما صِدَق ! وين السعادهـ ! والحزن شيَّد رحيلك ! وكل عاذل قال عنِّي شي .. - إحساسه بليد ! ما قدر ياخذ كثيرك .. صار يطمح في قليلك ! وكل عاذل إن عطيته وجهـ .. - ورَّااااك المزيد ! لو يقول إنَّهـ : يبيلك خير !! والله ما يبيلك ! جيتهم طيِّب وأدري في زماني ما يفيد !! وش حصيل الطيب فيهم ؟ ومن فراقي , وش حصيلك ! بترك الدنيا عشانك ! دام هذا ما تريد .. ويا عسى كلمة " عشانك " .. تشفي يا روحي غليلك !! الدليل إنِّي أحبك : صرت أحسِّك بـ [ الوريد ] ! وأدري في قلبك يحبني دون ما أسمع دليلك ! في عيونك صرت ( شاعر ) واصل القمَّه / فريد !! وصرت تسوى في عيوني كل بَني جنسك , وجيلك .. مثل قلبك ما ألاقي ..! ومثلي ما تلقى أكيد ! يعني ما عندك بديل ومستحيل ألقى بديلك ..! يا غزالٍ شُوف قلبي ما يبي غيرك يصيد ولا بغيتك .. أدري وينك أسمعك , وأتبَع [ سليلك ] ..! إجلس بـ عرش الفؤاد ولك أحاسيسي عبيد وإعتبر حُبي نهارك , وقمرةٍ .. تضوي في ليلك ! ياللِّي شيَّعت المفارَق إشرَب وصالي و أزيد .. خذ دفا إحساااسي و " إدفا " .. كان بردك هد حيلك ..! يا أجيلك يا تجيني ! هذا هو الحل الوحيد .. وإنتَ قرِّر يا حبيبي .. يا تجينييا أجيلك ! Re: شي يخصك باقي عندي .. - Dr.Desmond - 2008-07-10 شعر جميل مشكور و لا تحرمنا من جديدك.... Re: شي يخصك باقي عندي .. - كبرياء دمعة - 2008-07-11 كلمات كتبت بطيب المسك ففاح عطرها في أرجاء المكان تشد المتجول القريب كما شدتني لقراءتها كلمات و حروف بحق رائعة سلمت الأيادي و لا تحرمنا من كل جديد تقبل مروري المتواضع أختك كبرياء دمعة