مشكلة في تركيب mybb مع مجلة mkPortal

[darkangel4u]

السلام عليكم ورحمة الله وبركاته

يا جماعة رجاء عشان خاطري لأني والله تعبت ومش عارف أتصرف أزاي .. ساعدوني في حل المشكلة دي رجاء ..

أنا ركبت مجلة mkPortal مع منتديات myBB الأصدارة 1.2.10 من الموضوع اللي كان مطروح هنا لتحميل المجلة .

كل حاجه مشيت تمام والمنتديات شغاله تمام التمام نيجي بقه للمجلة عشان تفهموني لازم تشوف شكل المجلة دلوقتي لأن فيها رموز غريبة ومش عارف أعمل أيه .. جربت أني أغير أصدارة المجلة وأركب إصدارة غيرها لكن بيطلع ليا نفس المشكلة وانا مصر أصرار تام أني مش هستخدم المجلة غير مع منتديات myBB بس الرموز دي أنا مش عارف أعالجها أزاي أو أعمل أيه يا جماعة .

ده لينك الموقع بتاعي أدخلوا وجربوا عشان تشوفوا المشكلة :

www.modern2day.com

أنا أصلاً مش عارف المشكلة اللي في المجلة دي من المنتديات ولا أيه بالضبط أنا مش عارف أتصرف خالص والموقع واقف ..

ياريت تردوا عليا ولكم كل جزيل الشكر والامتنان ..
تحياتي للجميع //

[darkangel4u]

للمعرفة أنا ركبت نسخة المجلة اللي أنتوا كنتم حطينها هنا ولما لقيت المشكلة والرموز دي ، روحت شيلتها وركبت أصدار تاني من تصميم موقع أبن الخليج .. بس النظرية أن المجلة اللي أنا نزلتها من موقع أبن الخليج مكنتش بتشتغل مع منتديات myBB وانا عملت في المجلة شوية تعديلات وقدرت أني أركب منتديات myBB معاها بس برضو طلع ليا نفس المشكلة رموز غريبة في الوجهة الرئيسية للمجلة ..

للعلم برضو أنا ركبت قبل كده أصدارة أبن الخليج من المجلة مع منتديات PhpBB وأشتغلت تمام ومن غير أي رموز غريبة .
بس أنا بحب منتديات myBB ومش عايز موقعي يشتغل إلا بيها ..

[alfawalidou]

اخي انا دخلت للموقع الأآن و ليس بالمجلة أي مشكل ان شاء الله
أما بخصوص الموضوع الذي يظهر في وسط المجلة برموز غريبة
هو أصلا موضوع غير مهم يعني احذفه مباشرة
و جرب حرر في مكانه نص آخر بالعربي و ان شاء الله تجد كل شيء على مايرام
و اذ مازال المشكل قائم معك اخبرنا و سنساعدك بحول الله
تحياتي

[Pepo]

اهلا يا طيب..
اخى الكريم الأصدار الذى لديك يستخدم الترميز window-1256
انت محتاج الأصدار المرمز بترميز utf-8
ولو كنت قريت الموضوع اللى فى المنتدى هنا.. كنت هاتلاقى فى كتير غيرك حصلتلهم نفس المشكلة واتحلت بعد استخدامهم للنسخة ذات الترميز utf-8

[darkangel4u]

أيوة ما هو أنا أستخدمت أصدار utf - 8 ولقيت مش موضوع واحد بس اللي بايظ لأ ده الموقع كله مليان رموز وكل أقسامه وبالنسبه لتغيير ما بداخل الموضوع فأنا مش بتكلم على ما بداخل الموضوع أنا عندي برضو شوية حاجات في لوحة تحكم المجلة وزي ما أنتا شايف عنوان أخبار الجزيرة بايظ برضو وبعض عناوين البلوكات اللي في لوحة التحكم بالاضافة لعناوين أقسام الاخبار في لوحة التحكم مش عارف أفهم منها حاجه خالص حتى بعد ما سميتها بالعربي لأن العربي بيظهر بالشكل ده ؟؟؟؟؟؟؟؟ علامات أستفهام

وانا موجود أهو ومعاكم قولوا ليا أعمل أيه بالضبط يارب لو عيزاني حتى اشيل المنتديات والمجلة كلها وأبتدي من الأول أنا معنديش أي مشكلة خالص ، بس عرفوني أعمل أيه بالضبط وأحمل المجلة منين وانا همشي على خطواتكم وأتحملوا أنتوا المسؤوليه بقه

ووالله يا مستر بيبو أنا قريت المشاكل اللي قابلت الناس هنا ،،، بس عارف أنا زهقت من كتر ما برفع المجلة كل شوية وامسحها بعد ما تحصل المشكلة دي ،،،، الواحد بيرفع 7 ميجا تقريباً فبتاخد مني وقت ..

قولوا ليا أعمل أيييييييييييييييه وانا همشي معاكم خطوة خطوة وعلى فكرة أنا بفهم بسرعة لأني ليا تجارب كتير مع المجلة والمنتديات وبرامج FTP فأنا هفهم بسرعه ومش هتعبكم
ومستر alfawalidou الموقع بتاعك بصراحه أكتر من رائع ومدهش بجد وانا كنت عرفت أن قبلتك المشكلة دي قبل كده ومعرفش بقه أنتا حلتها أزاي ..

انا برضو كنت هطلب طلب صغنون وهو أنكم لو تدوني الايميلات بتاعتكم على ماسنجر الهوتميل في رسالة خاصة اكون شاكر ليكم عشان أقدر أتابع معاكم وانا شغال مباشرتاً وبرفع الملفات ...

تحياتي ليكم وجزاكم الله كل خير ويوفقكم ديماً
في حفظ الله ورعايته ..

[Pepo]

لا يا طيب.. ركب الأصدار اللى مستخدم الترميز utf-8 ولو فيه اى مشكلة ارسل لى بيانات لوحة التحكم والـ ftp
وانا هاحلهالك ان شاء الله..

بالنسبة لموضوع الماسينجر.. اعتزر لك عنها لكنى لا اقوم بالمساعدة غير عن طريق المنتدى
الا فى الحالات الطارئة فلا امانع فى التواصل من الماسينجر...
واكرر اسفى لك على ذلك.. لكن انا بفضل المساعدة تكون عن طريق المنتدى يمكن تفيد حد غيرى وغيرك..

وللأخ alfawalidou الحرية فى مساعدتك من الماسينجر

[darkangel4u]

طب يا مستر بيبو يا عسل مشكور على الرد والاهتمام وأنا معنديش مشكلة بس أوعى تجري مني وتروح في أي مكان أبعت ليا لينك تحميل المجلة دلوقتي بتاع utf-8 وانا هبتدي من الصفر خالص ، وهشيل المنتديات حتى تحسباً لأي أخطاء في المستقبل .. وهمشي معاك خطوة خطوة
يالا أنا منتظر اللينك ....

[Pepo]

هى مرفوعة فى الموضوع بتاع شرح التركيب.. بس انت كده خلتنى اشك فى نفسى..
على كل حال ادينى بس 10 دقايق ارفعها وارد عليك بلينك التحميل

[darkangel4u]

أوكي أنا معاك أهو مش هروح في مكان وأديني مشغل برنامج FTP بيمسح المجلة القديمة كلها والمنتديات كمان وهدخل لوحة تحكم الموقع أمسح الداتا بيس اللي كنت عاملها وهعمل واحده تاني ... عشان أبتدي على جديد خالص

[Pepo]

اتفضل يا طيب
من هنا