مشكلة في تركيب mybb مع مجلة mkPortal

[darkangel4u]

أنا دلوقتي عملت قاعدة البيانات خلاص ، ورفعت المنتديات MyBB الأصدارة 1.2.10 وهبتدي أركبها دلوقتي وفي أنتظار أنك تجرب المجلة وتديني اللينك بتاع التحميل ..

عارف يا بيبو والله أنا عندي أمتحناتي هتبتدي السبت اللي جاااااااااي ده ومش عارف أذاكر ألا لما أخلص الموقع فأنا واخد النهارده زي أستراحه كده عشان اخلص الموقع وبعد كده مش هيبقه في وقت أني أحل مشاكل الموقع لأني لازم أذاكر .

فربنا يخليك ويكرمك خليك معايا عشان أقدر أخلص الموقع ...

[darkangel4u]

وبعدين يا مستر alfawalidou خليك معايا شوية وشاركنا برأيك بما إنك تعرضت للمشكلة دي قبل كده وقدرت تحلها بتوفيق من ربنا .. ولو أنتا مش متفرغ للكتابة في المنتدى فبعد إذن إدارة المنتدى أنا بطلب أيميلك على ماسنجر الهوتميل عشان أتابع معاك حل المشكلة دي ..

[Pepo]

يا مستر darkangel4u ان شاء الله تنجح بتفوق..
ومايهمكش انت بس ركب المنتدى والمجلة زى الشرح اللى انا حطيته وهايشتغل معاك من غير اى مشاكل..
وزى ماقولتلك لقدر الله لو حصل اى حاجة, ماعنديش مانع انك تبعتلى بيانات الـ ftp وبيانات لوحة تحكم المنتدى والمجلة وهاحللك المشكلة ان شاء الله

[darkangel4u]

ربنا يخليك يا مستر بيبو على الدعوة الحلوة دي

أنا ركبت دلوقتي المنتديات وللعلم الوضع الافتراضي للـ:
Tables Encoding: (MySQL 4.1+ Only) كان مظبوط على UTF-8 Unicode وانا كملت على كده وانا بركب المنتديات

بس ياريت تحط ليا اللينك بتاع الشرح الخاص بيك لتركيب المجلة .. أنا عارف أني بتعبك معايا بس بجد والله ومش مجامله أنا أول مرة أشوف تفاعل في منتدى بين المشرفين والاعضاء بالسرعه دي لحل المشكلة ..

ربنا يكرمك ويجعلك عملك ده في ميزان حسناتك ،،

[Pepo]

العفو يا غالى.. مع انى قريت فى كلامك انك قولت انك قريت الشرح فعلا..
على كل حال اتفضل

شرح تركيب الـ mk_portal مع MyBB 1.2.9 تطوير منتديات MyBB

[darkangel4u]

بصراحه وعشان متظلمنيش أنا قريت الشرح والله بس مش متذكر إذا كنت أنتا اللي كاتبه ولا حد تاني عشان كده أنا قولت ليك وأشرت في الرد الأخير إلى أني عايز الشرح اللي أنتا كاتبه بالتحديد . عشان أنتا ماشي معايا خطوة خطوة

وبعدين يا بيبو بقه بلاش المعامله القاسيه دي ومتمسكش على الكلمة هههههههههههههههههههههههههه

أنا هنزل المجلة وأركبها دلوقتي أهو ..

[Pepo]

مافيش مشكلة يا طيب فى انتظار النتائج

[alfawalidou]

السلام عليكم اخي الغالي
تقبل اعتذاري لعدم متابعة الموضوع
و ان شاء الله حل المشكل سهل للغاية و أشكرك على تقييمك لموقعي
كل هذا بفضل الله الذي قدر لي ان اتعرف هذا المنتدى الطيب وو خاصة الأخ بيبو جزه الله خيرا
عندما تكمل التركيب ننتظر النتائج هنا
بالتوفيق

[darkangel4u]

انا خلصت تركيب كل حاجه بالضبط زي ما موجود في شرح تركيب المجلة بعد ما نزلتها من الموضوع اللي انتا سبق واديتني اللينك بتاعه
وعملت كل حاجه زي ما مكتوب في الشرح بالضبط
وتم مرجعه General Configuration وهيا كما مطلوب
وتم استبدال ملف mybb_board_functions.php بالملف المرفق

وبرضو حصلت نفس المشكلة
وليك انتا التصرف بقه وقولي اعمل ايه
ياريت يا مستر alfawalidou تخليك معانا وتابع معايا المشكلة دي الله يكرمك ويجزاك كل خير ويجعل عملك ده في ميزان حسناتك
اللينك اهو بتاع الموقع

www.modern2day.com

ده انا حتى يا بيبو والله مذكرتش حاجه النهارده عشان خاطر الموقع وطلع الحال من سيء إلى اسوء ...........

[alfawalidou]

اولا
ادخل الى ادارة المجلة--->البلوكات-->العناوين

ستجد امامك العناوين الافتراضية و امكانية تغييرها قم بتغييرها بهذا الترتيب
قائمة العضوية
المتواجدين حالياً
القائمة الرئيسية
قائمة المنتدى
إحصائيات الموقع
آخر الكلمات العابرة
صورة عشوائية
التقويم
آخر الأخبار

و غالبا ما تكون هذه هي الأسماء التي تظهر مختلطة

المرحلة الثانية ستكون بعدما تكمل ما سبق
و انا في انتظار النتيجة