هل ترى ان الدكتور محمد البرادعى يصلح رئيسا لمصر

[أبو طارق]

عارف انا وانت عاملين زى اتنين واحد بيقول ل التانى أدخل يمين
التانى يقوله لأ ادخل يمين يقول الأول لأ أدخل يمين وهكذا .....
يعنى نفس الأتجاه بس الفرق بينى وبينك أنك بتحلم انا مش بحلم
لأن البطانة بتاعت البدلة من الرقبة للرجلين ( تكتيفه يعنى )
ومش هيسمحوا لحلمك بأنه يتحقق يمكن أبناء أحفادك يحضرو حلم جدهم الأكبر

[Pepo]

طب ادخل يمين طيب؟
يمكن انت فى سنك يابو طارق (بجانب انك اتجوزت واللى فاضل فى رسالة الحياة بالنسبالك مش كتير) فالحلم بالنسبالك قيمته قلت...

لكن بالنسبة ليا وللى فى سنى, نبطل نحلم يعنى سواد فى سواد... حتى الحلم هانحرم نفسنا منه طيب نستنى نعمل ايه؟ مانروح احسن

يمكن الحلم يكون سبب على الأقل ان الواحد يحسن من نفسه, لكن قلة الحلم صعبة اوى.