مشكلة الأعلام البريدي الفوري

[Pepo]

مافيش مشكلة يا طيب

[darkangel4u]

أنا بعت ليك البيانات بتاعت الموقع في رسالة خاصة وفي أنتظار ردك

تحياتي ليك

[Pepo]

مشكلة الإعلام البريدى تم التحقق منها.. وكما ذكرت لك
يوجد مشكلة فى اعدادات الـ SMTP او الـ php mail function () او الأثنين معا
لأن نفس المشكلة كانت حدثت معى من قبل وكانت المشكلة من السيرفر.

بالنسبة لمشكلة تغيير كلمة الدعم العربى الموجودة فى شروط التسجيل.. فهى غير موجودة وتأكدت من ذلك بنفسى
ويمكنك التأكد من ذلك فى صفحة شروط التسجيل لديك

[darkangel4u]

يا بيبو لو جربت تسجل هتلاقيها والله وانا لسه شايفها دلوقتي حالاً أهو .. مكتوبه بالاحمر كلمة الدعم العربي في شروط التسجيل ..

كمان بالنسبة لقصة الاعلام البريدي أنتا لو جربت بعت أيميل من الايميل الافتراضي للموقع اللي هو :

[email protected]

هتلاقيه وصل لأي مكان سواء هوتميل أو يا هو أو Gmail

أنا مش عارف المشكلة تكون في أيه ؟؟

[Pepo]

المشكلة فى اعدادات السيرفر.. واقسم لك ان نفس المشكلة بالظبط حصلت معايا وطلعت من اعدادات السيرفر والله.
بالنسبة لموضوع كلمة الدعم العربى.. جرب افتح صفحة شروط التسجيل عندك مرة تانية ودقق كويس هاتلاقى اول الشروط كلمة مودرن

التسجيل في منتديات مودرن مفتوح ومجاني ، ولكي لا يتم إيقاف عضويتك في المنتدى إقرأ ضوابط وقوانين منتديات الدعم العربى التالية:

انا ماغيرتش غير اول واحدة للتجربة بس.. لكن تقدر تغيرهم كلهم عادى

[darkangel4u]

أوكي والله مصدقك من غير ما تحلف ( متحلفش تاني لو سمحت ) .. أنا هقول للشركة اللي مقدمة الاستضافه تاني على مشكلة البريد ولو في جديد في موضوع الاعلام البريدي الفوري هعرفك يا بيبو ..

بس قولي بصحيح هو لازم يوصلني أيميل من الملف اللي أنتا قولت ليا أعمله عشان أتأكد أنه مشكلة الاعلام البريدي أتحلت ؟؟؟؟

جرب بقه يا جميل غير باقي الكلمات الموجودة في شروط التسجيل وبعدين سجل خروج وأدخل تاني وأنتا تشوف المشكلة اللي هتظهر ليك ..

[Pepo]

اكيد المفروض انه يوصلك بريد من الملف اللى قولتلك عليه لتأكيد نجاح الأمر..
بالنسبة لموضوع تغيير كلمة الدعم العربى.. لقد طاوعتك وسجلت دخول وخروج اكثر من مرة ولم يتغير شئ..
جرب انت دخول الصفحة واضغط CTRL + F5
وهاتشوف التغيير بنفسك..

[darkangel4u]

طب يعني أنا أغير الباقي ولا تغيرهم أنتا ؟؟؟؟
( مع أني بفضل إنك أنتا اللي تغيرهم لحسن أعمل حاجه كده ولا كده أخرب الدنيا )

[Pepo]

لا يا طيب. ان شاء الله مش هايحصل اى مشاكل.. انا افضل انك انت تغيرهم عشان تشجع نفسك انك تقدر تتعامل مع المنتدى بنفسك.. كل اللى مطلوب منك تغير كلمة الدعم العربى بكلمة مودرن ولا اكتر ولا اقل

[darkangel4u]

غيرت خلاص كلمة الدعم العربي وتسلملي يا جميل تم التغيير بدون أي مشاكل .

وطلع المشكلة اللي كانت بتحصل لما بغير كلمة الدعم العربي سببها أني كنت بعدل في ملف member.lang.php مباشرتاً من خلال FTP يعني مكنتش بدخل إدارة اللغات وأعدل في الملف .

هو ده سبب المشكلة .
وأنا راسلت الشركة المستضيفه دلوقتي بخصوص مشكلة الاعلام البريدي وبإذن الله هيحصل كل خير ..
تحياتي ليك يا برفيسور بيبو