خلل بملفات التعريب. برجاء التحديث

[Pepo]

مظبوط اخى الكريم

[darkangel4u]

يا مستر بيبو أنا أحب أقولك أني حدثت للنسخة 1.2.14 بدون أي مشاكل وبدون أي تعديل أو أي حاجه في القوالب كل حاجه زي ما هي ومعملتش أي حاجه خالص ولا حتى جيت ناحية القوالب أو التمبلتس ..

دلوقتي أنا عايز أعرف حاجه واحده بس أنتا قولت فوق التالي :
برجاء من الجميع إعادة تحميل اللغة العربية
وإعادة رفع ملف inc/languages/arabic/global.lang.php

يعني إنتا يا أخي الفاضل عايز تفهمني إن كل الملفات دي عشان خاطر تعديل رابط الدعم العربي ؟؟؟؟ أنا نزلت ملفات اللغة العربية زي ما قولت ولقيت أن الملفات كتيرة فعايز أفهم ليه كل ده هو أنتوا عدلتوا الملفات دي كلها ؟؟؟

ولو هو مطلوب إننا نرفع ملف واحد وهو global.lang.php أيه لزمة باقي الملفات بقه السابقة ؟؟؟؟

كمان أنا ليا طلب لما تحطوا إعلان في الموقع عن تحديث أو سد ثغرة أو أصلاح عطل ياريت توضحوا لينا وتفهمونا أيه الحاجه اللي إحنا بنعملها أو ليه بنرفع الملفات دي وعشان خاطر أيه ،، لأن في ساعات ناس كتيرة بتكون معدله في المنتديات بتاعتها بطريقتها الخاصة ولما بترفع ملف تحديث أو غيره ممكن يخرب كل اللي هو عامله ولو حتى أخد نسخة احتياطية فهو لازم بأي حال من الاحوال هيعمل ترقية ،، وأستعادة النسخة الاحتياطية مش سهلة يعني أحنا بالنسبة لينا الموضوع عادي دلوقتي لكن مع مرور الزمن موقعك هيكبر وهتكون قاعدة البيانات مساحتها كبيرة 100 ميجا وأكتر ناهيك عن مساحة ملفات الموقع ، فتخيل معايا لما تحصل مشكلة ونقعد نرفع في الملفات دي كل شوية وقاعدة البيانات كمان ..

فياريت أي حاجه تطلبوا مننا إننا نعملها عرفونا فايدتها أيه بس
شكراً ليك وفي أنتظار ردك أخي بيبو

[Pepo]

يا مستر بيبو أنا أحب أقولك أني حدثت للنسخة 1.2.14 بدون أي مشاكل وبدون أي تعديل أو أي حاجه في القوالب كل حاجه زي ما هي ومعملتش أي حاجه خالص ولا حتى جيت ناحية القوالب أو التمبلتس ..

دلوقتي أنا عايز أعرف حاجه واحده بس أنتا قولت فوق التالي :
برجاء من الجميع إعادة تحميل اللغة العربية
وإعادة رفع ملف inc/languages/arabic/global.lang.php

اظن انى وضحت ده بكل بساطة والموضوع مش محتاج توضيح. قولت ان المشكلة بملف global.lang.php
وبالنسبة للملفات الكتيرة اللى بتتكلم عنها كلها حجمها مش اكتر من عدة كيلو بايت.. لو قارنتها بحجم الألعاب او الأغانى او الأفلام اللى على جهازك هاتطلع شئ لا يذكر.

يعني إنتا يا أخي الفاضل عايز تفهمني إن كل الملفات دي عشان خاطر تعديل رابط الدعم العربي ؟؟؟؟ أنا نزلت ملفات اللغة العربية زي ما قولت ولقيت أن الملفات كتيرة فعايز أفهم ليه كل ده هو أنتوا عدلتوا الملفات دي كلها ؟؟؟

اكيد عشان خاطر رابط الدعم العربى اولا (ولا مش من حق الدعم العربى؟)
.. ثم عشان ماتأثرش على موقعك لو لسة جديد هاتعتبر بتشير لصفحة خطأ وده ليه تأثير سلبى مع محركات البحث.

ولو هو مطلوب إننا نرفع ملف واحد وهو global.lang.php أيه لزمة باقي الملفات بقه السابقة ؟؟؟؟

كمان أنا ليا طلب لما تحطوا إعلان في الموقع عن تحديث أو سد ثغرة أو أصلاح عطل ياريت توضحوا لينا وتفهمونا أيه الحاجه اللي إحنا بنعملها أو ليه بنرفع الملفات دي وعشان خاطر أيه ،، لأن في ساعات ناس كتيرة بتكون معدله في المنتديات بتاعتها بطريقتها الخاصة ولما بترفع ملف تحديث أو غيره ممكن يخرب كل اللي هو عامله ولو حتى أخد نسخة احتياطية فهو لازم بأي حال من الاحوال هيعمل ترقية ،، وأستعادة النسخة الاحتياطية مش سهلة يعني أحنا بالنسبة لينا الموضوع عادي دلوقتي لكن مع مرور الزمن موقعك هيكبر وهتكون قاعدة البيانات مساحتها كبيرة 100 ميجا وأكتر ناهيك عن مساحة ملفات الموقع ، فتخيل معايا لما تحصل مشكلة ونقعد نرفع في الملفات دي كل شوية وقاعدة البيانات كمان ..

فياريت أي حاجه تطلبوا مننا إننا نعملها عرفونا فايدتها أيه بس
شكراً ليك وفي أنتظار ردك أخي بيبو

بصراحة انا مش فاهم ليه الضجيج والقصة الكبيرة جدا اللى انت عاملها دى..
ده الموضوع نفسه مش اكثر من عدة سطور.. وقايل بكل وضوح الخلل بملف global.lang.php
ومرة ثانية الملفات اللى انت عمال تقولى كتير كتير.. انت حسستينى انى بقولك حمل ملفات حجمها اكثر من 5 او 6 جيجا. وهى لم تصل حتى للواحد ميجا.

انت زعلان جدا على المجهود اللى هاتبذله عشان تعيد رفع ملف.. واحنا يا اخى مالناش الحق اننا نطلب تصحيح الرابط اللى هو يعتبر حفظ لحقوق شغل ايام وليالى فى التعريب, واستمرار فى دعمكم ودعم مواقعكم؟
انا مش فاهم كل كلامك ده ناتج على اساس ايه.. ايه علاقة ملفات اللغة بالقوالب ولا قواعد البيانات, ولا الهاكات؟ (ملفات اللغة تظهر النصوص الموضوعة فيها فقط ليس الا) ولا هو هجوم فى الكلام وخلاص؟
كما انى لم استغل قلة خبرة احد ولا الأن ولا من قبل عشان تقولى

كمان أنا ليا طلب لما تحطوا إعلان في الموقع عن تحديث أو سد ثغرة أو أصلاح عطل ياريت توضحوا لينا وتفهمونا أيه الحاجه اللي إحنا بنعملها أو ليه بنرفع الملفات دي وعشان خاطر أيه
لو محتاج رقم البطاقة ابقة بلغنى..
سبحان الله.. انا هاكتفى بالرد لأن احساسى بالهجوم فى كلامك هايخلينى اوصل لأسلوب ماحبش اوصله.
والله مانا عارف اقولك.. راجع مواضيعك وطلباتك بالمنتدى وانت تعرف كم تدين له. وكل الضجيج ده حتى من قبل ماتفكر تعيد رفع الملف.
انا هاختصر لحد كدا.
ولا اقولك على شئ اخير. لو حابب انك تحذف حقوق التعريب بالكامل توكل على الله واحذفها, لأنها واضح انها عبء كبير عليك وانا لا ارضاه لك.
شكرا لحسن تقديرك للدعم العربى يا طيب.

[darkangel4u]

لا حول ولا قوة إلا بالله العلي العظيم

أنتا فاهمني غلط ليه يا بيبو

دلوقتي إنتا بتقولني كلام أنا مقولتوش .. أنا مقولتش إن حقوق الدعم العربي مش المفروض تتحط ومجيبتش سيرة الكلام ده خالص وشغلك وتعبك محفوظ الحقوق وعلى راسي من فوق ... بس هي بقت مشكلة أني أطلب أني أفهم ؟؟؟؟؟؟

دلوقتي إنتا بتقول حمل ملف global.lang.php كل اللي أنا بسأل فيه هل أني أحمل الملف ده وأرفعه على الموقع هيحل مشكلة رابط التعريب ولا لازم أرفع باقي الملفات التانية عشان تتصلح المشكلة ؟

لو أنتا شايف إن كلامي السابق ليه معنى تاني غير اللي أنا قولته ده من شوية قول ؟؟ ولو أنتا شايف إنه فيه هجوم عليك وعلى حقوقك قول ؟ ولو أنتا شايف أني قولت في كلامي أني هحذف حقوق التعريب قول ؟

يمكن أنتا شايف كلام أنا مش شايفه

كمان أنا ولا بتهجم ولا بعمل أي حاجه من اللي أنتا قولت عليها دي وأنتا عارف كويس قوي يا بيبو أني بشارك في الموقع من غير ما تقولي ومن غير ما حد يقولي لأن ده واجب قليل يتعمل في حق الموقع والاعضاء اللي فيه وعارف أني لو قدرت أساعد حد بساعده ومش بتأخر

وكمان أنا بقولك الملفات كتيرة عشان أنا عندي السرعة بطيئة ومش بقدر أرفع الملفات كلها مرة واحده وببقه مجبر أني أرفع ملف ملف ..

وبالنسبة لحكاية القوالب والتمبلتس فأنتا مش هتفهم قصدي إلا لما ترجع لردي في موضوع ( ماى بى بى 1.2.14 MyBB تحديث امنى )
وعلى العموم أنا أسف إني ضايقتك بالرد بتاعي وحقك عليا يا أخي أنا مقصدش حاجه بس الواحد بيضايق ساعات لما بيكون مش عارف حاجه وبيعملها وخلاص وبيضايق أكتر لما يسال سؤال ويلاقي الاجابة نص كلمة لا تفيد بأي حاجه ويمكن قلتها أحسن

[Pepo]

لا حول ولا قوة إلا بالله العلي العظيم

أنتا فاهمني غلط ليه يا بيبو

دلوقتي إنتا بتقولني كلام أنا مقولتوش .. أنا مقولتش إن حقوق الدعم العربي مش المفروض تتحط ومجيبتش سيرة الكلام ده خالص وشغلك وتعبك محفوظ الحقوق وعلى راسي من فوق ... بس هي بقت مشكلة أني أطلب أني أفهم ؟؟؟؟؟؟

الموضوع مش مستاهل انك كنت تقولها بالحرف عشان توصلها.. هو انا لما اقولك مثلا, انت عايزنى احمل كل البرنامج الفولانى عشان يفتح ملف نصى؟؟؟
يبقة معناها ببساطة انى شايف ان الملف لا يستحق ان اقوم بتحميل هذا البرنامج عشانه. وده اللى انت قولته

يعني إنتا يا أخي الفاضل عايز تفهمني إن كل الملفات دي عشان خاطر تعديل رابط الدعم العربي ؟؟؟؟

اظن اى شخص يمكنه ان يعقل الكلام يستطيع تفسيره كما فسرته انا.

دلوقتي إنتا بتقول حمل ملف global.lang.php كل اللي أنا بسأل فيه هل أني أحمل الملف ده وأرفعه على الموقع هيحل مشكلة رابط التعريب ولا لازم أرفع باقي الملفات التانية عشان تتصلح المشكلة ؟

اظن اخونا عاشق العندليب سأل نفس السؤال فى الصفحة اللى انت قرأت فيها الموضوع (الصفحة الأولى للموضوع)
لكن سأله بأسلوب عادى جدا وايضا تم الرد عليه طبيعى جدا. واظن ان سواء انا او انت او اى صاحب منتدى, لما بيقرأ موضوع خاص بتحديث موقعه بيقرأ التعليقات اللى فيه عشان يفهم ايه اللى ممكن يقابله, فلو كان الهدف من كلامك نفس السؤال كنت هاتعرف اجابته, وحتى لو ماكنتش شوفته (مع انى متأكد انك شوفته لأنك لو ماكنتش شوفته ماكنتش هاتعرف ان المشكلة برابط الدعم العربى. ولا انا غلطان؟) الموضوع ماكانش مستاهل الكلام الكتير اللى اتقال عشان سؤال بسيط زى كده.

لو أنتا شايف إن كلامي السابق ليه معنى تاني غير اللي أنا قولته ده من شوية قول ؟؟ ولو أنتا شايف إنه فيه هجوم عليك وعلى حقوقك قول ؟ ولو أنتا شايف أني قولت في كلامي أني هحذف حقوق التعريب قول ؟

يمكن أنتا شايف كلام أنا مش شايفه

انا قريت كلامك فى ردك الأول اكتر من 3 مرات عشان الاقى سبب يستاهل ان يكون ده تعليقك على الموضوع, ولم ارى اى داعى. انظر لتعليقات كل من علق على الموضوع. لا ارى بهم اى شئ يمكن تفسيره بشكل خاطئ.
غير انى ليس بينى وبينك اى عداوة لسمح الله شخصية ولا اى شئ من هذا القبيل يجعلنى افهم كلامك بسوء نية..
ببساطة اسلوبك فى الكلام هو اللى اوحالى بكل اللى قولته.

كمان أنا ولا بتهجم ولا بعمل أي حاجه من اللي أنتا قولت عليها دي وأنتا عارف كويس قوي يا بيبو أني بشارك في الموقع من غير ما تقولي ومن غير ما حد يقولي لأن ده واجب قليل يتعمل في حق الموقع والاعضاء اللي فيه وعارف أني لو قدرت أساعد حد بساعده ومش بتأخر

مبدأيا دافعى فى ردى السابق ليس له علاقة بأنك تشارك بالمنتدى ام لا, مسألة المشاركة بالمنتدى ليست اجبار على احد
ولا فرض على احد. هناك الكثير مما يدخلو المنتدى فقط عندما تصادفهم مشكلة, ومع ذلك لم اتأخر انا ولا انت ولا من يمكنه المساعدة عنهم.. دى حاجة تانية منفصلة خارج حديثنا,, دى واجبات على كل واحد فينا وكل واحد عارف واجبه كويس (واللى بيعمله او بيعملهوش حاجة متوقفة عليه وعلى شخصه)
لأن المنتدى مش عامل فرق بين عضو ولا ادارى ولا مشرف.. الكل فى ميزان واحد.

وكمان أنا بقولك الملفات كتيرة عشان أنا عندي السرعة بطيئة ومش بقدر أرفع الملفات كلها مرة واحده وببقه مجبر أني أرفع ملف ملف ..

يا طيب.. جرب تقرأ الموضوع مرة اخرى. لقد قولت بالحرف, اعد تحميل الملفات من موقع MyBB
ثم اعد رفع ملف global.lang.php مرة اخرى.. هل هذه العبارة كانت تحتاج لشرح او تفسير؟
واصلا الملفات كلها لم تصل للواحد ميجا.. انت لو بتستخدم دايل اب ماكنتش هاتواجه مشكلة فى تحميلها.

وبالنسبة لحكاية القوالب والتمبلتس فأنتا مش هتفهم قصدي إلا لما ترجع لردي في موضوع ( ماى بى بى 1.2.14 MyBB تحديث امنى)

والله انا بشر مثلى مثلك ماعرفش الغيب, انت بتعلق على موضوع خاص بالتمبليت فى موضوع خاص بملفات اللغة, ومطلوب منى انى افسره وافهمه صح.. طيب ازاى؟

وعلى العموم أنا أسف إني ضايقتك بالرد بتاعي وحقك عليا يا أخي أنا مقصدش حاجه بس الواحد بيضايق ساعات لما بيكون مش عارف حاجه وبيعملها وخلاص

طيب وانا ذنبى ايه انك كنت متضايق عشان ضيقتك تظهر فى ردك عليا؟
كل منا لديه حياة خاصة وظروف ومسؤلية ومشاكل, من المفترض انك لا تظهر عصبيتك او ضيقتك على شخص لم ترى منه اى شئ يستدعى منك ذلك (انا شخصيا افعل ذلك, ولا يمكن لأحد رؤيتى متعصب الا اذا كان هو سبب ما انا عليه)
وبعدين هو ده ذنبى انى بتعامل بكل شفافية مع الجميع؟
ما الذى كان سيمنعنى ان اقول ان هناك خلل بأحد ملفات المنتدى, ولم يكتشفه المنتدى الأنجليزى وانا قمت بإصلاحه وهذا الإصلاح يتطلب تحديث احد ملفات اللغة معه؟ هو ده ذنبى انى مش زى اللى بيستغلوا قلة خبرة الأخرين مثلا؟
او ذنبى انى كنت صريح وقولت ان المشكلة برابط الدعم العربى؟
ولا داعى للأسف.

وبيضايق أكتر لما يسال سؤال ويلاقي الاجابة نص كلمة لا تفيد بأي حاجه ويمكن قلتها أحسن

سبحان الله ولا حول ولا قوة الا بالله.
لا اظن انك سألت سؤال صحيح ذات مرة وكان ردى عليك بكلمة ولا بتجيب ولا بتودى.

انت حتى اللحظة التى اكتب بها هذا الرد ولم تهتم حتى لإصلاح الخلل..
على كل حال كما ذكرت لك الأمر ليس بهذه الأهمية لمن يراه شئ لا يستحق كل هذا العناء (او الذى يرى الأمر انه به الكثير من العناء)

وانا ايضا اتأسف لك.

[darkangel4u]

أنا أسف جداً أخي بيبو .. وأنا بعتذر منك كتير وفعلاً لما رجعت كلامي حسيت إني أخطئت في حقك وفي حق الموقع ..

وأعذرني أخي الكريم أنا مكنتش أقصد كده خالص وأرجوا منك إنك تقبل إعتذاري وأسفي ليك وإنك متكونش زعلان مني
وحالياً أنا بقوم برفع كل الملفات لتصحيح مشكلة التعريب ...


أرجوا أنك تتقبل أسفي وتعذرني على أسلوبي السيء في الرد ..
بارك الله فيك وديماً للأمام .
تقبل اسفي ودمت سالماً .

[Pepo]

لا يوجد مشكلة يا طيب
والمسألة لم تكن بحاجة للأسف كما ذكرت من قبل.
حصل خير يا طيب
وان شاء الله موفقين اجمعين

[darkangel4u]

متشكر ليك أخي بيبو على سعة صدرك

وربنا يوفقك ويجزاك كل خير

[darkangel4u]

يا جماعة أود التنبية إلى حاجه مهمة جداً بعد القيام بعملية التحديث ورفع ملفات اللغة العربية مرة أخرى سوف تجد أن عنوان المنتديات الخاص بك الموجود في إتفاقية التسجيل قد تحول إلى الدعم العربي فيجب عليك إعادة تغيير كلمة الدعم العربي الموجودة في إتفاقية التسجيل إلى عنوان منتدياتك ..

وأنا بخصوص الموضوع ده عندي سؤال لمستر بيبو .... أنتا عارف يا بيبو إني كنت غيرت كلمة الدعم العربي الموجود في إتفاقية التسجيل من لوحة تحكم المنتديات وإعدادات اللغة .. بس دلوقتي أنا عندي نسخ إحتياطية من ملفات الموقع كلها قبل عملية التحديث هل ينفع إني أعمل عملية أستبدال على طوووول بدل ما أدخل لوحة تحكم المنتديات وإعدادات اللغة وأقعد أدور على كلمة الدعم العربي وأغيرها ؟؟؟
ولو ينفع أيه أسم الملف اللي المفروض أستبدله ؟؟

[Pepo]

الموضوع مش محتاج التنبيه ده. لأن ده ببساطة خطأ منك. لأنك قمت بإعادة رفع الملفات كلها بدلا من رفع ملف global.lang.php
فقط. على كل حالة تقدر تعيد رفع ملف (من الملفات الإحتياطية التى لديك) member.lang.php
فهذا هو الملف الخاص بإتفاقية التسجيل. وانا لم اطلب بإعادة رفعه.