مش هاكرهك يا مصر

[عاشق العندليب]

و الله أنا خايف من الموضوع ده لنتسحب كلنا بربطة المعلم كده على اللي بالي بالك ربنا يستر بقى و يجعله عامر على رأي أحمد رجب و الله يرحم الجميع أحياء و أموات لو كانوا فعلا أموات و لو كان لسه فيه أحياء ؟!

[MR.A_H_M_E_D]

اقلك حاجه

مش هيقدر ويعملو حاجه اكتر من اللى عملينو فينا

على العموم انا لا ابالى

[Pepo]

اتخشون الناس والله احق ان تخشوه؟

يا طيب بعد سلسلة المهازل اللى وضحتها فى تعليقى, ناس كتير تعدت كل مايمكن ان نسميه خوف.

انت مثلا عندما تقدم على شئ تعرف انه خطأ. مايمنعك عنه 3 اشياء.

1- الخوف من الله والدين
2- ان لم تخف الله, هاتخاف تقول احسن اتعاقب سواء من اهلك, او من الحكومة الخ.
3- لما بتفكر فى نفسك وتقول طيب اللى انا هاعمله فى فلان ده, لو اتعامل فيا حالى هايكون ايه؟


الناس اللى فى الحوادث المذكورة, تخطوا كل حواجز الخوف, لأهداف باطلة, يبقة احنا نخاف عشان بنعبر عن اللى جوانا وهو مانراه الحق؟

وبعدين الموضوع مافيهوش ريحة الشجاعة, يعنى اللى انت بتقراه ده كله كلام على النت, يعنى 90% من شعبك ماحدش يعرف عنه حاجة.

كان يبقة شئ كويس لو واحد فينا قدر يوصل لمسؤل ويقوله الكلام ده وجها لوجه. لكن برضه ع رأى الست "ده مستحيل" مش بس عشان الخوف من المسؤل.

لكن عشان اصلا مافيش سبيل انك توصل لمسؤل.. لو تفتكر الحدثة اللى حصلت فى 2004 تقريبا لما راجل غلبان كان رايح على الريس يديله ورقة فيها تظلم وقتلوه الكلاب بتاعت الريس. هاتفهم ان احنا كل كلامنا ده كلام فى الهوا.

وبعدين احنا بنشوف ظلم كتير لأبعد الحدود, ولا نبالى ولا نفعل شئ. يبقة لحد اما نحب نقول اللى جوانا هانبالى وهانخاف؟

على رأى مستر احمد, لا تبالى.

[عاشق العندليب]

أكيد يا بيبو أنا معاكم في كل كلمة بتقلوها أنا بس حسيت إنكم شديتم شوية فقلت أعمل جو أخفف بيه التوتر.

أنا قلت كتير في أكتر من موضوع ليا على اعتراضاتي على حاجات كتير من غير خوف و من غير ما حد يمسك عليا كلمة برضه لأن اللي لازم تعرفه إنه لو اتسجنت مثلا أو اتحبست أو اتعمل فيك أي شئ ــ مش انت طبعا ده تشبيه حالة ــ أنت حتكسر قلب والدك و والدتك و حتطلع كاره الدنيا أكتر و ممكن نفسيتك تتدمر و تخسر أكتر من اللي أنت كسبته.

فالمسألة عايزه شئ من العقلانية متخافش تقول رأيك بصراحة و في نفس الوقت متوديش نفسك في داهية ده قصدي من كل الكلام.

و زي ما انت قلت على رأي الست أنا حاقول على رأي العندليب: "ده الصبر قاد حرايق جوه جدور الخلايق ما يصنع الحقايق إلا عبور المحال".

[MR.A_H_M_E_D]

يأخى عندليب انا بعتبر الحكومه دى حكومه عجوزه بس وعيهللى بيحصلووعيه انها بتخرب على شعوبها لمايكون واحدعنده 80 سنه اواكتر مشبيبقى عامل زى الطفل صح من كبر سنه اهو اخوناده بقى عامل زى الطفل عشان محدش ياخد الكورسى او ينقله لأبنه هههههههههههههه فاكر انو هيعدى بالساهل منالعقاب لما يموت المهم دلوقتى الحكومه مبتفكرش تعادى حد يعنى طلعو شويت لمؤخذه يا جماعه طلعو شوية حوش من الحزب الوطنى قالو الرئيس حسنى مبارك مش بيعاقب حد على الكلام فعلا ممكن ميكونبيعاقب حد عشان الكلام لأنو مش بيسمعلو اساسا خلاص بقت العمليه هات وخد مفيش حاجه اسمها شعب الشعب يجوع وكمان النظامعرف ان الشعب عرف ان النظام شوية حرميه قطاع طرق وخاينين وعملأ طبعا لأمريكا وقبها اسرائيل ومدام الشعب عرف كدا وسكت يبقى خلاص ملهاش لزمه يعقبوده وده ولو تلاحظ كبار الصحفيين دلوقتى معظمهم بيبقى قال على العلانيه الفساد فى مين ويشتمو الريس شخصيا وهوا يستاهل وبيسبهم لأنو خلاص عاوزحاجه وحدا الكرسى لابنه انا مش فاهم واحد عايش 80 سنه منهم 30 سنه تقريبا رئيس مصر ودلوقتى معاه مليارات المليارات وابنه اكبر رجل اعمال فى مصر عاوز ايه تانى ميسبها بقى تعمر حاجه غريبه

[عاشق العندليب]

والله ضحكتني بجد.

كل اللي انت قولته كلنا كشباب موجود جوانا و مع الأسف حتى لو كان اللي بنحس بيه ناحية النظام مش حقيقي فكل الشواهد و الثوابت اللي احنا عايشينها مبتخليناش نفكر لحظة في العكس ؟!

[الوَحش]

يا جماعة انا بقول نقفل الموضوع ده علشان الدعم العربى يفضل معانا , مش عاوز بعد ماتعودت على ال Mybb ابحث عن حاجة تانية . موضوع حلو جدا و كوميدى كمان