مهما خربوا عقول اخواتى واصحابى

مهما جوعوا اهلى وشردوا قرايبى

مهما حاولوا يعكروا نيلك ويخلوا لونه لون طينك.

حتى لو فى يوم صحيت لاقيت نفسى نايم ع الرصيف

هاقوم اقول الحمد لله واطرقع ضهرى وادورلى على رغيف

من ايام الهجسوس وانتم بتحاولوا تخربوها بالدراع

وبالقوة وبالسلاح. ولما فشلتم عشان لاقيتم فيها الأبطال والشجعان

دلوقتى استغليتوا غباء حكامنا وجلالة الريس وبتدمروا عقولنا

شوية بالبنجو وبعدها بالحشيش

شوية تحرش جنسى وشوية تقولوا بيموتوا على الرغيف

وشوية الواد يقتل خاله عشان قفشه مع .....

هاقول ليهم عقاب اليم عند المنتقم الجبار.

اما الواد فـ له رب اسمه الكريم.

هاتقولولى سيبها بدل ماتجوع, وتفضل عاطل.

هاقول نار بلدى يطفيها حضن اخواتى وابتسامتها الراضية والقنوعة

ولا جنتكم المزيفة اللى هاتذلونى من قبل ماشوفها وتقولولى خشها بالشمال يابن ال..

ولو صدقتم وشوفتها مش هاتهنا بيها وهاتخلونى عبد ليكم.

مش كفاية بنزرع القمح فى بلدنا وانتم تقولوا احنا بنتبرعلك بيه؟

فرحتى وعيدى لما بشوف ناركم من الغيرة بتاكل فيكم

لما تبصوا فى عنيا وتدوروا فى قلبى وماتلاقوش فيه غير حبى لمصر

بتحاولوا انكم تخلوا كنانة الله فى الأرض, هلاك لكل الخلق فى الأرض.


قولوا مهما تقولوا. مصر مكانها فى وجدانى وفى قلبى قبل عقلى.

اخربوا عقلى. لكن قلبى ليه رب اسمه الكريم, يحفظوا ويصونه من كل كلب صهيون.

او حتى جار حقود.

واعملوا اللى تعملوه. كفاية انى اذكى منكم وبعرف اخد منكم اللى ينفعنى, والباقى اقولكم شالوم.

تحطوا مبارك ولا تشيله ولا تجيبوا جمال ولا ابو حسين.

كلهم شبهكم ومايفرقوش عندى كتير.

انا رزقى على الله, ولو ضاقت بيا الدنيا بيوت الله كتير.

لكن اكره مصر؟ على رأى الست "ده مستحيل"

بحبك يا مصر وبعشق ترابك, وعلى استعداد اموت لو موتى هايبقة فيه خلاصك.

وحسبى الله ونعمة الوكيل

أنت اللي كاتب الكلام ده يا بيبو و لا مين ؟!

ايوا انا اللى كاتبه.. واكيد انت لاحظت عدم التنسيق اللى فيه يبقة اكيد انا اللى كاتبه

طيب يا ابني خاف على نفسك بقى ألحق استخبى اليومين دول.

هههه،، و الله أنا لم أعرف أنك مبدع في كتابة الخواطر يا بيبو،،
الظاهر أن حصلك مشكل خلاك تقول كده،،،، و أنا مثلك كل مرة بيحصلي مشاكل مع الحكومه و مع الاداراة الفاسدة،، لكن لا أعرف كيف أعبر مثلك،،
و الله انت نحيت عني بعض الغيض،، و مع أن بلداننا مختلفة لكن كلنا عربجية،،

إقتباس :طيب يا ابني خاف على نفسك بقى ألحق استخبى اليومين دول.

و لا أقولك؟؟؟ تعال استخبى عندي اليومين دول،، هههه

(2008-10-28, 03:01 PM)Bestpublisher كتب : الظاهر أن حصلك مشكل خلاك تقول كده

مش بالظبط كده.
بس لما تفتح التليفزيون بالصدفة تلاقى برنامج بيتكلم عن ثلاث حوادث.

الأولى: طفل مقتول مشنوق فى السنوات الأولى من عمره
ومتقطع وشبه متشرح.

الثانية: رجل وزوجته (زوجته مدرسة لغة عربية!) اتفقوا هموا واصحابهم (حوالى 44 رجل وزجته) على حفلة تبادل زوجات وكل منهم يمارس الرزيلة مع زوجة الأخر. ويتم القبض عليهم اثناء هذه الحفلة.

الثالثة: شب فى سن الثامنة عشر, يقتل خاله عندما رأه يمارس الرزيلة مع امه!.

يبقة ماباقاش فيه مجال للسكوت.. ولا بقة فى حاجة يتخاف منها.

بس اللي بتقوله ده مالهوش علاقة بكراهية البلد لأن دي حاجات بتحصل في العالم كله الفرق الوحيد إن عندنا بيحصل في الدرا عشان العادات و التقاليد و مش حاقول عشان الدين لأن الدين موجود في كل مكان و مع كده مش بيمنع الناس إنهم مؤمنين بدين معين إنهم يمارسوا الفواحش و العياذ بالله.

البلد فيها بلاوي تانيه ربنا يرحمنا و يعفي عننا.

بس انت على العموم أشجع مني أنا لو حطيت موضوع زي ده عندي أهلي حيعملوا لي فضيحة تخيل انت بقى لما أبوك يبقى مشترك معاك في المنتدى ؟!

إقتباس :الأولى: طفل مقتول مشنوق فى السنوات الأولى من عمره
ومتقطع وشبه متشرح.

الثانية: رجل وزوجته (زوجته مدرسة لغة عربية!) اتفقوا هموا واصحابهم (حوالى 44 رجل وزجته) على حفلة تبادل زوجات وكل منهم يمارس الرزيلة مع زوجة الأخر. ويتم القبض عليهم اثناء هذه الحفلة.

الثالثة: شب فى سن الثامنة عشر, يقتل خاله عندما رأه يمارس الرزيلة مع امه!.

يبقة ماباقاش فيه مجال للسكوت.. ولا بقة فى حاجة يتخاف منها.

يا إلاهي،، دي أشياء مقززة،،
و معاك حق، يبقة ماباقاش فيه مجال للسكوت.. ولا بقة فى حاجة يتخاف منها، و انا افتخر بيك يا بيبو،، لانك شفت المنكر و رفضت انك تتقبلو.
بارك الله فيك،، و على فكرة الخاطرة دي تحفه فنية.
تسمحلي أنقلها لمنتدى آخر؟؟

(2008-10-28, 03:28 PM)عاشق العندليب كتب : بس اللي بتقوله ده مالهوش علاقة بكراهية البلد لأن دي حاجات بتحصل في العالم كله الفرق الوحيد إن عندنا بيحصل في الدرا عشان العادات و التقاليد و مش حاقول عشان الدين لأن الدين موجود في كل مكان و مع كده مش بيمنع الناس إنهم مؤمنين بدين معين إنهم يمارسوا الفواحش و العياذ بالله.

البلد فيها بلاوي تانيه ربنا يرحمنا و يعفي عننا.

بس انت على العموم أشجع مني أنا لو حطيت موضوع زي ده عندي أهلي حيعملوا لي فضيحة تخيل انت بقى لما أبوك يبقى مشترك معاك في المنتدى ؟!

هو مالهوش علاقة مباشرة بكراهية البلد.
لكن ليه علاقة بسياسيات كبيرة شغالة على دماغنا من سنين, وهدفها تخريب عقولنا, سواء بإبعادنا عن دينا, او بزرع كره بلدنا فى قلوبنا.

واللى بيحصل ده جزء من نتائج نجاح السياسات دى.

ولسة ده مجرد مؤشر لكن النتائج بتظهر يوم ورا التانى.

وصحيح ان النصايب موجودة فى كل مكان. لكن لما تيجى لحد كنانة الله فى الأرض اكيد الأمر هايختلف.

مصر رغم انها عمرها ماكانت دولة اسلامية, الا انها من تاريخها (رغم كل الإحتلال اللى حصل فيها) انها بلد امن وامان.

وده اتذكر عنها فى القرأن. عشان كده لازم لما النصايب دى تكون عندنا يبقة الوضع مختلف.

اما بالنسبة لموضوع الشجاعة, فانا بطبيعة الحال لسة ماباقاش عندى حجات مهما اخاف عليها, يعنى المستقبل مش باهر اوى لدرجة انه يكتم جواية انى اقول ان اللى احنا فيه ظلم, ونفس الشئ خوفى من رد فعل امى او ابويا (الله يرحمه) عمره ماكان بيسكتنى عن شئ جواية.

يعنى اقلكمايه ادعى على السادات انه وظف حسنى مبارك نائب وطبعا حسنى مبارك قتل السادات وخدمكانه وابتدى يبوظ فى البلد ويخربها لغايت مطلع الجيل الجديد عزوجمال وطلعت وخربوها ونهبوها زياده الله يرمكيا عبد الناصر قال ارفع رائسك يا اخى فلقد انتهى عصر العبوديه ياسلام

عاش راجل ومات راجل وفى الاخر بعد الخاراب بيبيعو القطاع العام اللى بناه عبد الناصر بدمه ودم الشعب

ياجماعه القصص دى كلها مش دى لغة الشعب دى لغة الحكومه اللى عودتنا نتعامل بيها فى وسط الازمات هههههههههههههه

انا من كام يوم شوفت خبر بردو زعلنى اووى جبوها فى برنامج ست لا حولا له ولا قوه مرميه فى الشارع وملفوفه زى الميتين وحولاها نمل ودود وربنا شيفه بعينى فى القاهرة شفتها عنطريق ابرنامج طبعا فى التليفزيون وفى الاخر طلع ان مستشفى هى اللى رمتها عشان مدفعتش فلوس لا اله الا الله

ليا حق بقى انى اقول اله يرحمك يا عبد الناصر

كان لو بس حدهمس فى الحكومه بيطرد زى الك...... وبيجى احسن من

وفى الاخر واحد يقطل اكتر من 1200 شخص ويطلع برأه احنا فين يا جماعه لا اله الا الله

لا ومش سكتينعاوزين يقبضوعلى الشباب وبيفكرو يقفلو الفيس بكو ياشيخ روح فكر ازاى تأكل شعبك ولا اقلك روح احسن فكر ازاى تعرف تدخل المعدات الثقيله فى قلب الدويقه ههههههههههههههههههه حقومه متخلفه وجهلة وبردوفى الاخر الحج حسنى عاوزيجيب ابنه يمسك مكانه والله ابن الحسنى
هزاز