دخول

darkangel4u · 2008-06-27, 02:10 PM

يا جماعة أنا مش شايف إن في مشاكل في تركيب المنتديات مع المجلة غير مشكلة الترميز وانا كانت قابلتني المشكلة دي في بداية تركيبي المجلة مع المنتديات وحليتها وانتهت المشكلة على كده أنا مش عارف يمكن سبب تكبير الموضوع وإعطائه حجم أكثر من حجمه هو بسبب إن قلة من المستخدمين قرروا أستخدام المجلة مع المنتديات وقابلتهم مشاكل وأتخنقوا بسبب كده ..

تقدر تشوف موقعي الموجود في توقيعي فيه منتديات من نوع MyBB ومجلة MkPortal وكل حاجه ولله الحمد والفضل شغاله تمام بدون أي مشاكل بالإضافة إلى إن المجلة والمنتديات تقدر تقول عاملين دويتو مع بعض وتنسيق مشترك على سبيل المثال لما بتيجي ليك رسالة خاصة على المنتديات وإنتا داخل على المجلة بيظهر ليك صندوق حواري يتبع للمجلة يعرفك إنه في رسالة خاصة وصلتك في المنتديات ...

بالنسبة للسادة اللي بيقولوا إن النسخة الرسمية للمجلة لا تدعم منتديات MyBB بصفة رسمية .. أنا أحب أقولهم أن الكلام ده خاطئ تماماً وذلك لعدة أسباب منها : لو دخلت على الموقع الرسمي للمجلة www.mkportal.it هتلاقي أن فيه قسم مخصص للدعم الفني لتركيب المجلة مع المنتديات من نوع MYBB زيها زي أي نوع منتدى آخر .. نقطه أضافيه في شرح تركيب المجلة الرسمي هتلاقي قسم مخصص برضو لشرح تركيب المجلة مع MyBB .. أنا ليا عضوية في الموقع السابق ذكره وبقدر أحل أي مشكلة لو واجهتني بخصوص المجلة مع المنتديات .... وهكذا أسباب كتيرة أعددها لمن يريدها

الافضل في ذلك كله هو أن المجلة MkPortal و المنتديات MyBB كلاهما يحمل ترخيص مجاني للجميع وتستطيع إستخدام الاتنين كما تشاء مجاناً دون حذف حقوق الملكية وده كان الشرط الوحيد لإستخدامك المجلة والمنتديات بترخيص مجاني ..

لو عندك أي أستفسار أنا موجود ..
تحياتي ليك ،،

دخول
إسم المستخدم
كلمة المرور :	فقدت كلمة المرور ؟
	تذكرني بالمرة القادمة