للأسف يا السعودية

[المتألقة]

السلام عليكم ورحمة الله وبركاته..


اليوم جايه بلسان وحده من صديقاتي (حنان)


كاتبه موضوع مهم صراحه.. ووصتني احطه بكل مكان اقدر انشره فيه.. يوم عرفت ان عندي يوزر بالاقلاع.. حلفت علي احطه.. لأنها تحس انه منتدى منتشر بقوه بين الأوساط السعوديه((خاااصةً)) وهذا المهم بالنسبه لصديقتي.. ((الأوساط السعودية )) وخاصة الشباب منهم.. بناتهم وعيالهم..


لكم الموضوع..

.
.
.
.
.

كان يا ما كان

قبل 10 سنوات او حولها

كنا لما نمشي في ديرتنا ونشوف اجنبيه فاتشه

تطير عيوننا .. نقول وش هذي .. يا ساتر ..

كان يا ما كان

قبل ثلاثة ايام

افتح ايميلي واشوف رساله من قروب مشهور... صور لبنات ويتفاخرون انهم سعوديات

السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها

مثال ..

صورتين

لـ 6او 7 بنات..صافين..عالجدار وملقينا ظهورهم..ومرفعين يدينهم (كأنهم معاقبات).. ............. (تم تعديل هذا الجزء)



قله الحيا هذي مهيب مقبوله!!

10 سنوات فتره موب قليله ..

كيف وصلنا لهذي الدرجه من فراغ الاخلاق . ؟؟


الصيف اللي راح.. للأسف غلطنا ورحنا مصر .. وما ادراك ما مصر ..

مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه!!

ويلومننا ليه نكره الدول العربيه!


رحنا لمطعم سقيم..طلع فيه واحد عالستيج.. ومسك المايك وقال((احلى تحيه لشعب السعوديه))

وتصفيييييييييق..!!


لحقونا بعد شوي الشعب الاماراتي والكويتي..


بس السعوديه عادها يمكن 6 مرات..


جلست افكر.. ليه يعني حنا اكثر؟؟

فكرو فيها شوي.. لين يخلص الموضوع بعدين جاوبو..


......
ارجع الحين لصلب الموضوع..

ليش صرنا نشوف صور كثيره.. وعناوين الصور((سعوديات..سعوديات..سعوديات))


لو نتفرج عالصور..


نلقى رجول..


نلقى جزم!


نلقى اساور خضرا<<يعني ترا حنا سعوديات..



والفيس بوك عاد..والهاي فايف.. انواع الصور اللي مدري وش اقول عنها


***..


***..


***..
(تم تعديل مكان النجوم)

ونادر ما تلقى وحده حاطه وجهها..



على فكره.. اللي تحط صوره وجهها,, محترمه اكثر من اللي ترزز اشياء ثانيه!!



يعني عشانكم تتغطون..تروحون تصورون ذا الصور..!


تمنيت اني اطيح على بروفايل احد..والقاه حاط اسم كتاب حلو نقراه..خاطره حلوه من كتابته.. موقف مضحك مر فيه..موقف مؤثر..


او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟


ااذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!..


ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا..

وش هالفضاوه في العقل لدرجه انكم تصورون يدينكم.رجلينكم.. ((شنطكم الماركه))..


يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او يمكن شكل الصوره حلو..


بس ان الوحده تجي تصور مقفاها.. هي وخوياتها.. وكاشخه بالجي سترينق!!

والمنتديات والقروبات السعوديه تتسابق لنشرها ..

الدال عالخير كفاعله.. والشر بعد..


بعدين انتي ياللي مصوره انتي وخوياتك..


يعني انتي همك الوحيد ما يشوفون وجهك عشان محد يعرفك..


بس مقفاك.. شفايفك.. وصدرك.. عادي يشوفونه!!


لأن المهم عندك الناس.. موب الله؟؟


طيب صورتك قدام نفسك طيب؟؟ ما تهتز انك سويتي شي حقير ووضيع مثل هالشي؟؟


اصلن اصلن.. كيف صورتو صوره زي كذا.. يعني ما استحيتو من بعض يا بنات؟؟


عيب يعني..يعني عشانكم بنات مع بعض عادي تورون بعض يعني؟؟


ولا اقولكم..انا نسيت انكم ناشرين الصور للعيال..فما يهمكم البنات..



يعني صدق شي يضيق الصدر.. بنات سعوديات مسلمات في مجتمع مثل مجتمعنا يسوون زي كذا..



ودي اعرف امك..وابوك..وش بينظرون لك بعد ذا الصور؟؟

يعني حرام..اهلكم ربوكم احسن تربيه..

بس انتم للأسف ما ربيتو انفسكم..

فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!



ولا قروب ثاني سعودي برضو..والصور اللي ناشرينها..


ذوليك عاد.. متبرقعات..وبعابياتهم..متكحلات..ومسوين حركات غبيه ومصورين..!


طيب؟ وبعدين؟؟ ابي افهم وش الهدف؟؟ مره وناسه؟؟ مره يضحك؟؟ ماااااااااااااااره كوووول انتم صراحه!!



طبعن ترا الكلام موب موجه للبنات فقط.. لأن يوجد عندنا وبكثره رجال عقول فاضيه..


اللي همهم نوم واكل.. وفلوس ياخذها من ابوه ولا امه!



تطورو شوي.. ارتقو شوي..اطلعو بصوره احلى من كذا..



انتم عارفين ان النت اكبر وسيله انتشار..


قبل فتره.. في ام بي سي فور.. تدرون ان في برنامج من برامجها عارض بروفايلات لبنات سعوديات.. باسماءهم.. طبعن موب اسماء حقيقه.. !

بس شوفو الصور انتم! شفايف وصدرو ومدري وشو.. علقو على هالشي باننا متكمكمين بعبايتنا عشان كذا نروح عن انفسنا بذا الطريقه..


ما تستحون؟؟ قبل الغرب اصلن.. صوركم قدام انفسكم!؟ ما تهتز؟؟


انشرو شي حلو,,حاولو تطلعون بشخصياتكم الحقيقيه.. موب تصيرون مثل الامعه اللي يسوي شي عشان يقلد الفنان الفلاني.. ولا البنت الفلانيه..


ليه بس تنشرون الشي الشين؟


انواع المقاطع الشينه تنتشر.. انواع الصور الشينه..


ليه؟ وش استفدت؟؟ غير الذنب والاثم.. انك خليت احد يشوفها.. وانك نشرت شي مو كويس عن المسلمين!



اقولكم شي؟

شفتو كتاب (بنات الرياض) قريته..صراحه كل اللي فيه واقع..اشياء فعلا تصير عندنا..طبعن لفئه معينه من الناس..

بس تدرون ان الكتب تترجم لاكثر من 22 لغه؟؟

تدرون انهم برا يدرسون الكتاب فيه دوله من الدول

يدرسونه؟؟ تخيلو؟؟

رجاء الصانع ما كانت تبي تنشر غسيل.. كانت تبي تفتح عيون الناس على اخطائهم..وتصلح هالاخطاء..


يا حلّو الثقافه اللي يتثقفونها بس!



يعني الحين اللي برا..يدرسون الكتاب كنص سعودي ادبي يمثل حياة السعوديين.. كله سلبيات في سلبيات,,!,,مثلا احنا الحين ندرس..روبنسون كروزو في الجامعه.. على اساس انه نص انجليزي يمثل الحياه الدينيه والسياسيه الاجتماعيه في هذيك الفتره..

هم يدرسون (بنات الرياض) لتمثيل المجتمع السعودي!


انا ما الوم رجاء الصانع على اللي كتبته.. بالعكس انا عاجبني الكتاب من إلى.. وكل اللي كتبته اشوفه بعيني عندنا..

وكل اللي سوو عليه ضجه.. هذولي يبون يعترضون لمجرد الاعتراض..


ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف!!

ليه تنكرون كل اللي بالقصه وانه موب موجود!

الا موجود ونص والدليل هاللي نشوفه بالنت والسوق والجامعه وكل مكان!

رجاء الصانع تبي تصلحكم وتفتح عيونكم على اخطائكم..

لكن موب الغلط في اللي كتبته رجاء.. لكن الغلط في مخ كل من يقرا الروايه!!

شلون الواحد يصلح مجتمعه؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس!


بس عادي يدشرون ويخربون وكل شي.. بس ما ينتشر عنهم شي!


ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم سعوددين= ناس طاهرين!


غلط! كل دوله بالعالم فيها الصالح والطالح..

البنت الواحد فيه الصالح والطالح..


ما تحبون احد يحكي فيكم ابد.. بالرغم من كل الاغلاط بحياتكم..

رجاء الصانع.. احبك..


قبل فتره سمعت انهم رحلو هشوم الرياض.. الى ديرته الحقيقه(سوريا)

وانه لا يمت للشعب السعودي بصله!

كأن ما عندنا سعوديين من هالجنس!!





ليه ما تصلحون ايميلات تعود لكم بالفايده؟وتحسن سمعتكم! وتظهر الجانب الحلو في كل سعودي وسعوديه؟


بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات.. ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو,, فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!!



شله شباب..اعرفهم بعد.. طبعن هم نجديين..طالعين لجده..في رحله بحريه..وصادو كميه لا بأس بها من السمك..

تدرون لو بيبيعون هالسمك.. كم يبيجب لهم؟ تقريبا 4 الاف..

بس هم كانت نواياهم اهم من الفلوس..

اخذو هالسمك وودوه لمنطقه فيها ناس فقرا.. وتصدقو..




برضو حمله تبرعات الراجحي..

ترا اكثر من تبرع فيها شباب..


((المواقف مذكوره عشان ابين انو فيه ناس كويسه,,يعني ابين الجانب الايجابيه))


يعني فيه ناس تشتغل.. فيه ناس عندها اهداف..

موب بس بالنت.. حتى برا النت,,

سواء بنات او شباب..

نبغى جيلنا السعودي الجديد ينتشر عنه كل شي حلو..

انا ما اقول انكم ما تنبسطون.. ما تسوون هبال.. بس برضو بحدود..


موب عشانكم ورا الشاشات يعني عادي؟؟


(هياط ورا الشاشه=مرض)


الصور اللي من النوعيه اللي ذكرتها في البدايه.. بطلو تنزلونها النت.. بطلو تحطونها بالبروفايل حقكم.. ترا صدق يعني هالشي ما يبين الا فضاوه عقولكم..لأن هالبروفايل يبين شخصيتك..


اي احد يشوف هالصور..ولا يجيه ايميل من هالنوعيه.. يبطل ينشرها.. لأنها يساعد على انتشار هالظاهره..لأن التقليد عندنا اعمى!!


وابي اتطرق لموضوع بيخش فجأه بس لازم اعلق عليه(( فضيحه بنت .. الخ)) هالنوعيه من الصور والفيدوهات.. ترا عليكم اثم لو نشرتوها..

حرام.. يعني ما تخافون من ربي؟؟

اولن نشرت شي حرام. ثاني شي ما سترت على بنت او ولد الناس..

ما تخاف ربي يفضحك بشي بعد سنه او 2 او 100!!


قال الرسول صلى الله عليه وسلم(من ستر على مؤمن بالدنيا,,ستر الله عليه بالاخره)

اتمنى ان موضوعي هذا ينشر بنفس الطريقه اللي نشرت فيها هالصور..


يهمني الموضوع ينتشر في المنتديات السعوديه.. اكثر من المنتديات العربيه..


لأننا نحاول نناقش قضيه سعوديه داخليه..ومافيه مجتمع ما يخلو من الاخطاء..


ابغى اذا احد قال((احلى تحيه لشعب السعوديه)) وعادها 6 او 10 مرات..

اعرف ليه قالها.. واقول معه حق..
.
.
.
.




تناقض المجتمع وتناقض الافكار ينتقل بصوره عجيبه!




تحياتي..

حنان
..
.
منقووووول

[المتألقة]

عفوا اخي الكريم الموضوع لا يعبر عن رأيي وهو كما مذكور منقول وليس تلك صديقتي ولست انا كاتبه الموضوع ، ولا يعبر ابدا عن رأيي،،،

[Pepo]

اعرف يا ست الغاليين انك لست من كتبه
لكن ردى كان للتوضيح ليس الا كما ذكرت
ربما يقرأه احدا يهتم لهذا الموضوع لذلك احببت التوضيح

[tarek_zohdy]

لقد سبقني اخي بيبو في رده
ولكنه اهتم بنقطة وغابت عنه الاخرى

و***** ..*******..

***..
***..
****.

ماهذا ايتها المتالقة.؟؟؟؟؟
اعلم ان الموضوع منقول وهذا هو عيبنا...ننقل الموضوع بدون التعديل في محتواه على الاقل لكي لا نتعب او حتى بدون قراءته...
هل يعقل ان يصدر كلام من بنت بهذه الجرأة؟؟؟؟!!!
والموضوع كله بيتكلم على البنات!!!!

نصيحة ابتعدي عن مثل هذه المواضيع السلبية او حتى قومي بالتغيير فيها لكي تتناسب مع المنتدى.
لان في النهاية قراءة مثل هذه المواضيع المكتوبة بهذا الاسلوب لن تأتي بفائدة إن اردت اصلاحا.
واضيف صوتي لاخي بيبو في رده كاملا.

[Pepo]

اشكرك على التنبيه اخى الكريم
وتم بعد اذن اختنا المتألقة التعديل, حتى يكون الموضوع مناسب لطرحه بالمنتدى

[المتألقة]

ماهذا ايتها المتالقة.؟؟؟؟؟
اعلم ان الموضوع منقول وهذا هو عيبنا...ننقل الموضوع بدون التعديل في محتواه على الاقل لكي لا نتعب او حتى بدون قراءته...
هل يعقل ان يصدر كلام من بنت بهذه الجرأة؟؟؟؟!!!
والموضوع كله بيتكلم على البنات!!!!

اول حاجة راح اقولها صح الموضوع صحيح منقول لكن في حاجة انت لازم تعرفها انا ما بنقل شي ما اقراه ابدا
والكلام الي مكتوب هو واقع واحسن نواجه الواقع بحس ناقد على ان نقف مع المتفرجين لان هالشي معناها بعد كام سنه بصير هالشي عادي واولادنا لو عملوه ما لازم نلومهم عشان احنا وقفنا نتفرج لازم نلوم انفسنا،،،

انا يعجبني موقف هالبنت وعلى فكرة هي ما انتقدت البنات بالنسبة لي ، هي انتقدت شئ غلط سواء كان صدر من البنات او الشباب واذا هي خصت شعبها فانا شايفة ان دا ممكن يتعمم على بنات كثيرة وببلدان كثيرة ،الله اعلم،،

عموما لو شايفنين ان الموضوع يستحق الحذف فلكم الحرية ،،،

[tarek_zohdy]

يا سيدتي الفاضلة
انا لم اقل انك طرحتي الموضوع بدون قراءته.
انا كلامي في قمة الوضوح

ننقل الموضوع بدون التعديل في محتواه على الاقل لكي لا نتعب او حتى بدون قراءته

عايز اقولك على حاجة بسيطة يا اختي العزيزة
كل منتدى وليه سياسة خاصة بيه بمعنى ان في منتديات بتسمح بوجود اغاني وافلام فيها ولا تسمح بوجود مثلا مقاطع رقص لراقصات.
يبقى هتلاقي منتديات الجو بتاعها يتماشى مع انه يتحط فيه مواضيع باستخدام اي لفظ سواء كان جارح او خارج عن الذوق العام او ....الخ
ومنتديات اخرى بتفرض على العضو نفسه انه يستعمل كلمات او الفاظ راقية للتعايش بداخل هذا المنتدى.
انا كان كل هدفي فقط اني اقول ان مش اي كلمة ممكن الواحد يقولها في مكان.

اما عن صلب الموضوع نفسه يا عزيزتي

والكلام الي مكتوب هو واقع واحسن نواجه الواقع بحس ناقد على ان نقف مع المتفرجين لان هالشي معناها بعد كام سنه بصير هالشي عادي واولادنا لو عملوه ما لازم نلومهم عشان احنا وقفنا نتفرج لازم نلوم انفسنا،،

بالمنطق هل لما تحطي الموضوع يبقى احنا كدة بنواجه الواقع؟؟؟
هل كدة بتحاربي الفساد او بتساعدي على تقليله؟؟
بالعكس ممكن الموضوع نفسه يكون طريق لاي شخص بداية سلوك غير سوي لاي شخص
يعني لو انا شخص عرفت ان بنات السعودية فيهم وفيهم و...مثل الموضوع بيقول
ده هيخليني لو انا شخص مش كويس اني اسعى على التعرف على بنات سعوديات عشان كذا وكذا .....صح؟

اما عن موضوع "ان اولادنا لو عملوه ما لازم نلومهم عشان احنا وقفنا نتفرج لازم نلوم انفسنا"
هل فكرتي في النقطة دي قبل متقوليها؟؟؟؟
اولا بالسبة لولادنا لازم نبص على كذا نقطة
1-طريقة التربية
2-طريقة تعاملنا معاهم هل في انفتاح وحرية ام معتدلة ام في قمة الشدة
3-اصدقاؤهم
4-المدرسة لكل مدرسة سلوكياتها يعني متخليش ولاك يدخلوا مدرسة امريكية وتزعلي انهم يكونوا كدة
واعتقد انه يوجد الكثير من النقط ولكني لم اجرب ان اكون ابا

على فكرة انا من بداية دخولي المنتدى كنت متابع مواضيعك وبتحظى بالاحترام والتقدير ومازالت فارجوا انك متكونيش مدايقة وخوفي على زعلك ان دل على شيئ فهو يدل على كل احترامي وتقديري لكي عزيزتي
دمتي بود

[المتألقة]

أخ tarek_zohdy ما في داعي لنكبر المواضيع وما في زعل ان شاء الله ، اتمنى من اخ احمد يحذف الموضوع،،

[Pepo]

السلام عليكم
اخت متألقة.. صراحة انا مش شايف ان الموضوع فى اى مشكلة..
الأخ tarek_zohdy دخل معك فى نقاش ليس الا!
وتعديل الموضوع كان لسبب وجود بعض الأشياء البسيطة الغير لائقة
وهذا لا يقلل من شأن او اهمية الموضوع.
لكن بكل الأحوال اذا كنتى مصرة على حذفه اكدى ذلك ولا يوجد مشكلة