اللقاء الاول مع الاخ بيبو

[عوض محمد]

ههههههههههههههههههه
كنت عارف ردك اخ بيبو

كنت حاسس بكدة

لانو شخصيتك الطيبة وتعاملك مع الشباب كان يقول ايه ردك

وهاد شيء متوقع انا فعلا ما سئلتك سؤال لكن الهدف من ردى فى الاول انى

اعرف هل انت ردود افعالك متوقعة ام لا

وانت جاوبتنى عليه من دون ما تعرف

اخ بيبو مشكووووووووووووووور جدا

على ردك الجميل والرائع وفعلا وجودى وعدمو مواضيعى وردودى

هى الى بتحدد ومشكور جدا اخوى بيبو انا فعلا احبك يا راجل

وارجو انك ما تسال ليه لانى مش عارف بجد مش عارف

شكرا ليك مرة تانية اخ بيبو مرة تانية وتالتة وعاشرة ومليوووووووووون شكرا

[tarek_zohdy]

شكرا للعزيز بيبو على رده على جميع الاسئلة
وشكرا للاعضاء الذين تجاوبوا معنا في هذا اللقاء
واستعدوا للقاء الثاني مع الاخ ابو طارق

[Pepo]

على اتم استعداد

[أبو طارق]

أخى الصغير بيبو
أحببت أن أنتظر بعض الوقت حتى أرى أسئلة الأخوة لك
ولن أكثر عليك

1- ماهو رأيك فى موضوع الإرتباط ( الزاوج )
أ- حب
ب- تقليدى
وما هو تعليلك على أى الإختيارين

2-إذا واجهت موقف خرجت منه بأنك قليل المعلومات فيه
هل تسعى لزيادة معلوماتك أم حسب أهمية الموضوع بالنسبة
لك ... وما هى أخبار ثقافتك الدينية وقربك من المولى

3- ما هو ترتيب أولوياتك فى حياتك ( بشكل عام )

4- عصر من العصور تمنيت أن تكون من أهله
مع ذكر أسبابك

[Pepo]

بما ان الاسبوع بتاع اللقاء بتاعى خلص من حقى امتنع عن الرد
بس انت عارف انك حبيبى يابو طارق مش هاعرف اقولك لا..

1- ماهو رأيك فى موضوع الإرتباط ( الزاوج )

اولا السؤال ده فى رأيى ماينفعش يكونله اختيارين لأنه متوقف على الشخص..
بمعنى لو شخص عمره مامر بتجربة حب ولا عاش لحظات غرام وسهر الليل يفكر فى حبيبته او حبيبها..
متهيألى اللى زى دول ممكن بكل بساطة انه يدخل فى الحب التقليدى بدون مشاكل.. لكن بعد الجواز هايبان اذا كانوا هايقدروا يستمروا او ينفصلوا..
وده برضه متوقف على الشخصين.. اذا فعلا نجحوا انهم ينسجموا مع بعض ربنا يوفقهم لكن لو مانجحوش فى ده حتى لو استمروا لأى سبب تانى عيشيتهم هاتكون صعبة اوى..
بالنسبة للأختيار التانى فهو مش فارق عن الأول كتير.. لأن فى كتير بيحبوا وبيعشقوا بعض وبعد الجواز بيلاقوا الحياة مش لونها بامبى زى ماكانوا رسمينها.. يعنى فى الأول وفى الأخر قسمة ونصيب واللى بيأمن بكده هو اللى بيستريح حتى لو ماحبش وماتجوزش..

2-إذا واجهت موقف خرجت منه بأنك قليل المعلومات فيه
هل تسعى لزيادة معلوماتك أم حسب أهمية الموضوع بالنسبة
لك ... وما هى أخبار ثقافتك الدينية وقربك من المولى

فعلا بتكون حسب اهمية الموضوع.. مثال لو دخلت مع حد فى نقاش عن الكورة مثلا (طبعا انت عارف, لو ده حصل هابقة انا زيى زى الكورة)
مش هادور بعدها انى ازود ثقافتى لأن بكل بساطة الكورة مش بتشد انتباهى (ياراجل دانا بعرف مواعيد مباريات المنتخب بالصدفة)

لكن لو حاجة فى الكمبيوتر مثلا. وبالذات لو حاجة جديدة عليا... مش هاسيبها الا اما اجيبها من الألف للياء..

بالنسبة لثقافتى الدينية.. الى حدا ما معقولة لكنها ليست كبيرة ايضا.. وبالنسبة لقربى للمولى.. للأسف الأيام دى تعتبر اكثر ايام انا بعيد فيها عن ربنا (ربنا يهدينى ويهدى الجميع)

3- ما هو ترتيب أولوياتك فى حياتك ( بشكل عام )

1- رضى امى
2- اخواتى
3- العمل
4- البحث عن سبل تحقيق احلامى - والتحضير للزواج
5- الأصحاب (وحشونى جدا)
6- الكومبيوتر والمنتدى (رغم تأخير اولوياتهم الا انهم لا تقل غلاوتهم عن اولياتى الأولى)

4- عصر من العصور تمنيت أن تكون من أهله
مع ذكر أسبابك

عصر اجدادى الفراعنة.. لأنهم مش زينا ماكانوش بيقولوا احنا اجدادنا عندهم حضارة.. كانوا بيقولوا احنا بنينا وبنبنى حضارة...
الأمارات حاليا بتفكرنى بأجدادى!

سؤال من عندى (اكثر الأزمان اللى كرهت العيشة فيها)
الزمن الحالى اللى لو اتحولت فيه مية النيل لصلصة مش هاتكفى الكوسة اللى فى البلد.. وعجبى

[أبو طارق]

بما ان الاسبوع بتاع اللقاء بتاعى خلص من حقى امتنع عن الرد
بس انت عارف انك حبيبى يابو طارق مش هاعرف اقولك لا..
سؤال من عندى اكثر الأزمان اللى كرهت العيشة فيها
الزمن الحالى اللى لو اتحولت فيه مية النيل لصلصة مش هاتكفى الكوسة اللى فى البلد.. وعجبى

وانت برضه يا أخى حبيبى
ويلاه نديها وصلة غزل
أدام الله علينا هذه النعمة وجعلها بإذنه حبا فى الله

المصيبة السوده أن هذا هو شعور الجيل الحالى ( من العشرين وانت طالع )
بأن الحياة هباب ولا مستقبل من الأخر والحكومة على علم بحال الشباب
وكل الوعود والوظائف ليس لها لازمه من ناحية الأجور والمرتبات
لا تكفى عيش وفول لشاب يصرف على عيله من 3 أفراد

[طالب العلم]

مقابلة في القمة، تابعتها سؤالا بسؤال..
في الحقيقة اصحاب الاسئلة لم يدعوا شيئا يجوب في الذهن الا وطرحوه.

[Pepo]

بما ان الاسبوع بتاع اللقاء بتاعى خلص من حقى امتنع عن الرد
بس انت عارف انك حبيبى يابو طارق مش هاعرف اقولك لا..
سؤال من عندى اكثر الأزمان اللى كرهت العيشة فيها
الزمن الحالى اللى لو اتحولت فيه مية النيل لصلصة مش هاتكفى الكوسة اللى فى البلد.. وعجبى

وانت برضه يا أخى حبيبى
ويلاه نديها وصلة غزل
أدام الله علينا هذه النعمة وجعلها بإذنه حبا فى الله

المصيبة السوده أن هذا هو شعور الجيل الحالى ( من العشرين وانت طالع )
بأن الحياة هباب ولا مستقبل من الأخر والحكومة على علم بحال الشباب
وكل الوعود والوظائف ليس لها لازمه من ناحية الأجور والمرتبات
لا تكفى عيش وفول لشاب يصرف على عيله من 3 أفراد

الجديد كمان
الدقيق (بتاع الفينو) سعره ارتفع.. البنزين سعره ارتفع.. الزيت والسمنة سعرهم ارتفع. ده غير حجات تانية كتير مش فاكرها
والشعب هاياكل احلى اكل

مقابلة في القمة، تابعتها سؤالا بسؤال..
في الحقيقة اصحاب الاسئلة لم يدعوا شيئا يجوب في الذهن الا وطرحوه.

يارب اكون وفقت فى الأجابات

[tarek_zohdy]

ما هو طبيعة عملك اخي بيبو؟؟

وحد سمع عن موضوع البنزين اللي هيغلى الفترة الجية؟؟

[Pepo]

طبيعة عملى موسيقى..
بالنسبة لموضوع البنزين سمعت عنه امبارح فى برنامج الطبعة الأولى