مواطن مهيس طحن (مصرى غلبان فى ظل الدستور الجديد)

[Pepo]

صبــــاح الخير يا سيادة الريس
انت تمام ولا انت مهيس
لو انت تمام يبقى انا كويس
لو انت مهيس يبقى انا مهيس


وراك وراك يا حبيبنا يا حسنى
انشالله تقول انك هتدوسنى
وياريت كمان انك تحبسنى
المهم انك تسامحـــنى

تسامحنى على ايه؟ ده سؤال
تسامحنى على انى شغــال
ايام وسنيــــن وليالى طوال
بخدم فى بلــــدى وبلـــــــدك
وبصون عرضـــى وعرضك
وفى الاخر انا محـــــــتال

محتال:لانى شـــريف
بغمس بفول ورغيف
ماعرفش ايه البلوبيف
ولا مركب تكييــــــــــف

محتال:ماعرفش الرشوة
ولا عمرى خدتــــــــــها
موظـــــــف فقير غلبان
مع انى محتـــــــاجلها

محتال:عندى دقن
ارهابى انا يعنى
يا اما احلقها
يا اما تحلقلى

انت زعلت يا ريس؟
مانا قلت انى بهيس
مادام انت مهيس
وكله يحيى الريس

المصدر: من انسة تدعى مى فى احدا مجموعات ياهو المجهولة

[Dr.Harry Potter]

شكرا ليك وللأخت مي ...وجميل بجد وشكل المنتدى هيتقفل كده

[the top_3]

نايس تهيييييييييييييييييييس

[أبو طارق]

طلب عاجل من سيادة المدير ب إلغاء إشرافى فى المنتدى
وانا معرفش حد فى المنتدى ده وان بيبو مش خال العيال
والسلام عليكم

[Pepo]

اللى بيكدب بيروح شرم الشيخ يابو طارق

[رضا القاضى]

الأخ بيبو
زمان قلت عليك انك عبقرى
لكن بعد الى شفته انا اسف اسميك مفترى

[Pepo]

بس انا والله لسة بعقلى يا عم رضا
زى مانا من اخر يوم شوفتنى فيه